پی ڈی ایم خود اختلافات کا شکار ہے، وزیراعظم

وریشہ مسعود

24th Dec, 2020. 07:29 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پی ڈی ایم خود اختلافات کا شکار ہے، وزیراعظم

وزیراعظم عمران خان نے کہا ہے کہ پی ڈی ایم خود اختلافات کا شکار ہے۔

تفصیلات کے مطابق وزیراعظم عمران خان کی زیر صدارت حکومتی و پارٹی ترجمانوں کا اجلاس ہوا جس میں وزیراعظم نے لینڈ مافیا کے خلاف کاروائیاں جاری رکھنے کا اعلان کیا۔

شرکا نے اظہار خیال کرتے ہوئے کہا کہ مریم نواز نے پی ڈی ایم میں شامل تمام جماعتوں کی ساکھ ختم کردی۔

شرکا نے مزید کہا کہ کل اجلاس میں پیپلزپارٹی کی غیر موجودگی نے ثابت کردیا یہ ایک دوسرے سے مخلص نہیں جبکہ آج بھی دو ایم این ایز نے استعفٰی دیا پھر غائب ہوگئے۔

اجلاس کی صدارت کرتے ہوئے وزیراعظم عمران خان نے کہا کہ پی ڈی ایم اتحاد اپنی موت آپ مر گیا ہے جبکہ استعفیٰ دینے والے اب استعفوں سے بھاگ رہے ہیں۔

عمران خان نے یہ بھی کہا کہ مسلم لیگ ن میں بڑے قبضہ مافیا موجود ہیں جبکہ قبضہ مافیا کے خلاف کاروائی کی تو معلوم ہوا مسلم لیگ ن کے ایم این ایز اس میں شامل ہیں۔

وزیراعظم عمران خان نے پارٹی رہنماؤں کو اپوزیشن کو بینقاب کرنے کی ہدایت کرتے ہوئے کہا کہ ان کے کارنامے عوام کو بتائیں، قبضہ مافیا کے خلاف کاروائیاں جاری رہیں گی۔