لاہورسیشن کورٹ نے پاکستان شوبز انڈسٹری کے نامور سنگر، ایکٹر اور موسیقارعلی ظفر کے ہتک عزت کے دعوی پر تحریری حکم جاری کردیا۔

تفصیلات کے مطابق سیشن کورٹ نے گلوکارہ میشا شفیع کی گواہ ادکارہ ، میزبا ن اور سینئیر ماڈل عفت عمر کو دوبارہ طلب کرلیا۔

ذرائع کے مطابق ایڈیشنل سیشن جج امتیاز احمد نے تحریری فیصلہ جاری کیا ،عدالت نے شہادت مکمل کرنے کے لیے ادکارہ عفت عمر کو طلب کیا۔

عدالت گلوکارہ میشا شفیع کی چھ گواہوں کے بیانات قلمبند کرچکی ہے۔

واضح رہے کہ گلوکارعلی ظفر نے جنسی ہراساں کرنے کے الزام میں ہتک عزت کا دعوی دائر کررکھا ہے۔

 رواں ماہ فیڈرل انویسٹی گیشن ایجنسی نے میشا شفیع کی جانب سے گلوکار علی ظفر کے خلاف چلائی جانے والی سوشل میڈیا مہم کو بھی جھوٹا قرار دیتے ہوئے میشا شفیع سمیت 8 افراد کو قصور وار قرار دیا تھا۔

ذرائع کے مطابق علی ظفر نے سوشل میڈیا پر اپنے خلاف ہو نے والی کارروائیوں سے متعلق درخواست دائر کی۔

انھوں نے فیس بک ، ٹویٹر سمیت دیگر سوشل سایٹس پر اپنے خلاف ہونے والی کمپین سے متعلق درخواست دی۔

ایف آئی اے نے عبوری چالان لاہور کی عدالت میں جمع کرا دیا، جس میں میشا شفیع، عفت عمر، علی گل پیر، ماہم جاوید، لینا غنی، حیسم الزمان، فریحہ ایوب اور فیضان رضا کو قصور وار ٹہرایا گیا ہے۔