سری لنکا میں جاری اے سی سی انڈر 19 ایشیا کپ میں پاکستان اور بھارت کی انڈر 19 کرکٹ ٹیموں کے درمیان میچ ٹائران فرنینڈو اسٹیڈیم موراٹوا میں کھیلا گیا۔ ایشین کرکٹ کونسل کی جانب سے جاری کردہ تفصیلات کے مطابق قومی انڈر 19 کرکٹ ٹیم کو بھارت کے خلاف میچ میں 60 رنز سے شکست کا سامنا کرنا پڑا۔
میچ میں پاکستان انڈر 19 کرکٹ ٹیم کی جانب سے کپتان روحیل نذیر نے اور محمد حارث نے بھارتی باؤلرز کے سامنے مزاحمت کی کوشش کی مگر وہ کامیاب نہ ہوسکے۔ کپتان روحیل نذیر نے 3 چھکوں اور 12 چوکوں کی مدد سے 117 رنز بنائے ۔ روحیل نذیر کو آکاش نے ایل بی ڈبلیو آؤٹ کیا۔ محمد حارث نے 43 رنز اسکور کیے۔ ان کی اننگ میں 1 چھکا اور 2 چوکے شامل تھے۔ بھارت کی جانب سے اتھاروا انکولے کار نے 3کھلاڑیوں کو آؤٹ کیا۔
306رنز کے تعاقب میں قومی انڈر 19 کرکٹ ٹیم مقررہ 46.4 اوورز میں245 رنز بنا کر آؤٹ ہوگئی۔ کپتان روحیل نذیر 117 رنز بنا کر نمایاں رہے۔ محمد حارث نے 43 رنز اسکور کیے۔ بھارت کی جانب سے اتھاروا انکولے کار نے 3 اور ودیادر پٹیل نے 2 کھلاڑیوں کو آؤٹ کیا۔
اس سے قبل بھارتی انڈر 19 کرکٹ ٹیم کے کپتان دھرو چاند جوریل نے ٹاس جیت کر پہلے بیٹنگ کا فیصلہ کیا۔ پہلے بیٹنگ کرتے ہوئے بھارتی انڈر 19 کرکٹ ٹیم نے مقررہ 50 اوورز میں 9 وکٹوں کے نقصان پر 305 رنز بنائے۔ میچ میں پاکستان کی پیس جوڑی نسیم شاہ اور عباس آفریدی نے مجموعی طور پر 6 کھلاڑیوں کو آؤٹ کیا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News