وزیراعظم عمران خان سے آذربائیجان کے وزیر خارجہ کی ملاقات ہوئی ہے، جس میں دو طرفہ تعلقات، خطے اور عالمی امور زیر غور آئے ہیں۔
تفصیلات کے مطابق ملاقات میں وزیراعظم عمران خان نے دو طرفہ سیاسی تعلقات کے معیار پر اطمینان کا اظہار کیا ہے جبکہ دو طرفہ تجارت اور انرجی میں تعاون بڑھانے پر زور بھی دیا۔
ملاقات میں وزیراعظم عمران خان نے مقبوضہ علاقے حاصل کرنے پر آذربائیجان کو مبارکباد دی۔
وزیراعظم نے آذربائیجان کے وزیر خارجہ کو آزاد کیے گئے علاقوں میں ترقی کے لیے مکمل تعاون کا اظہار کیا ہے۔
اس موقع پر آذربائیجان کے وزیر خارجہ نے عمران خان کے لیے صدر کی جانب سے نیک خواہشات کا پیغام پہنچایا ہے۔
آذربائیجان نے مقبوضہ کشمیر معاملے پر پاکستان سے مکمل یکجہتی اور حمایت کا اعلان بھی کردیا ہے۔
ملاقات میں آذربائیجان کے وزیر خارجہ نے تمام شعبوں میں پاکستان کے ساتھ تعاون بڑھانے کی خواہش کا اظہار بھی کیا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News