تاپسی پنو، بالی ووڈ انڈسٹری میں ایک جانا مانا نام ہے، جنہوں نے اپنی قابلیت اور صلاحیت سے اپنی جگہ بنائی اور اسے مستحکم بنائے رکھا۔
حال ہی میں اپنے ایک انٹرویو کے دوران اداکارہ نے بالی ووڈ میں اپنے کامیاب کیریئر کے متعلق کھل کر بات کی ہے اور اپنی کامیابی کا راز بھی بتایا ہے اور ساتھ ہی اپنے مستقبل کے متعلق بھی بات کی۔
اداکارہ کا کہنا تھا کہ میں نے اب تک جس قسم کی فلمیں کی ہیں وہ بہت الگ ہیں اور ان سب کے بعد آگے کیا کرنا ہے اس کا انتخاب کرنا بہت مشکل اور چیلنجنگ ہے۔
ان کا کہنا تھا کہ، آج میں ایک ایسی پوزیشن پر ہوں جہاں مجھے لگتا ہے کہ میں نے زندگی میں بہت کچھ کیا ہے، میں نے بہت محنت کی اور سب کچھ اپنی قابلیت سے کیا، اس لیے میری کامیابی کوئی معمولی بات نہیں ہے۔
اداکارہ نے مزید ان چیزوں کے بارے میں بات کی جو ان کے ہاتھ میں ہے یا وہ زندگی میں کرنا چاہتی ہیں اور کہا کہ مجھے آرام سے بیٹھنے، وقت سے لطف اندوز ہونے، آرام کرنے اور جوان ہونے کی ضرورت ہے، اور پھر ایسی چیز کے ساتھ واپس آنا ہے جو میرے لئے مزید چیلنجنگ ہو۔
تاپسی پنو نے اپنی اداکاری کا آغاز 2010 کی جھمنڈی نادم سے کیا اور اپنے کیریئر میں کئی کامیاب فلموں میں اداکاری بھی کی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News