مسلم لیگ ن کے قائد نوازشریف نے کہا ہے کہ حکومت کے ظالمانہ جبر و ظلم کا مقابلہ ضرور کریں گے۔
تفصیلات کے مطابق مسلم لیگ ن کے قائد نوازشریف نے سیف الملوک کھوکھر کو ٹیلی فون کیا جس میں انھوں نے کھوکھر برادران کی رہائش گاہ گرانے پر حکومتی اقدام کی مذمت کی۔
رابطے کے دوران مسلم لیگ ن کے قائد نوازشریف نے کہا کہ ظلم جب بڑھتا ہے تو مٹ جاتاہے، وہ وقت دور نہیں جب عوام حکومتی ظلم کے خلاف اٹھ کھڑے ہوں گے۔
نوازشریف نے یہ بھی کہا کہ مسلم لیگ ن کا ہر کارکن اور رہنماحکومتی فسطایت سے گھبرانے والا نہیں، حکومت کے ظالمانہ جبر و ظلم کا مقابلہ ضرور کریں گے۔
مسلم لیگ ن کے قائد نوازشریف نے مزید کہا کہ کھوکھر برادران کو میرا ساتھ دینے کی سزا دی جارہی ہے،میں اپنے وفادار ساتھیوں کو سلام پیش کرتا ہوں۔
Advertisement
یاد رہے کہ آج ضلعی انتظامیہ نے لیگی رہنما سیف الملوک کھوکھر کے کھوکھر پیلس کا ایک حصہ گرا کر 38 کنال سرکاری اراضی واگزار کرائی ہے۔
Advertisement
Advertisement
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
