اعلیٰ ثانوی تعلیمی بورڈ کراچی نے انٹرمیڈیٹ سائنس پری انجینئرنگ کے سالانہ امتحانات برائے 2019ء کے نتائج کا اعلان کردیا۔
تفصیلات کے مطابق کراچی انٹربورڈ کے چیئرمین پروفیسر انعام احمد نے ان امتحانات میں پوزیشن حاصل کرنے والے طلباء کا اعلان کیا ہے ، جس کے مطابق سائنس پری انجینئرنگ گروپ کے امتحانات میں میٹروپولس انٹرمیڈیٹ کالج فار گرلز کی علیشبہ ارشد بنت ارشد الدین نے 1100 میں سے 1005 نمبر زکے ساتھ پہلی پوزیشن حاصل کی۔
گورنمنٹ نیشنل کالج کے عنایت علی ولد حامد علی نے 990نمبرز کے ساتھ دوسری پوزیشن جبکہ آدم جی گورنمنٹ سائنس کالج کے عدنان علی بیگ ولد صابر علی بیگ اور بی اے ایم ایم پی ای سی ایچ ایس گورنمنٹ کالج فار ویمن کی عائشہ خالد بنت خالد جمیل نے 989 نمبرز حاصل کرتے ہوئے تیسری پوزیشن حاصل کیں۔
رواں سال سائنس پری انجینئرنگ کے امتحانات میں 36173 امیدواروں نے رجسٹریشن حاصل کی جبکہ 35412 امیدوار امتحانات میں شریک ہوئے جس میں سے 14060 امیدوار کامیاب قرار پائے اس طرح کامیابی کا تناسب 39.70فیصد رہا۔
پری انجینئرنگ امتحانات میں 848 امیدوار اے ون گریڈ، 2422 اے گریڈ، 3458 بی گریڈ، 4297 سی گریڈ، 2834 ڈی گریڈ میں جبکہ 201 ای گریڈ میں کامیاب قرار پائے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
