صوبائی وزیر تعلیم سندھ سعید غنی نے کہا ہے کہ سندھ حکومت کی کوشش سے کہ امتحانات سے پہلے 60 فیصد نصاب مکمل ہوجائے تاکہ تعلیمی سال ضائع نہ ہو۔

تفصیلات کے مطابق پریس کانفرنس کرتے ہوئے سعید غنی کا کہنا تھا کہ اسکولوں میں کورونا کے گیارہ ہزار آٹھ سو پینتالیس  ٹیسٹ کئے گئے ان میں سے پانچ سو چھیالیس ٹیسٹ مثبت آئے ہیں اور جہاں ٹیسٹ مثبت ہیں وہ اسکولز بند کردیئے ہیں۔

سعید غنی کا کہنا تھا کہ کراچی کے چار کالجز بھی بند کر دیئے گئے ہیں اور اب تک اسکولوں میں مثبت ٹیسٹ کی شرح  پانچ اعشاریہ نو رہی  ہے۔

ان کا کہنا تھا کہ اگر والدین کو اپنے بچوں کی صحت کے حوالے سے ذرا بھی خدشات ہیں تو وہ انہیں اسکول نہ بھیجیں، اسکولز نہ آنے والے بچوں کے خلاف کارروائی نہیں کریں گے۔

انہوں نے مزید کہا کہ ہم اس سال تعلیمی نظام کو مزید اسان کرنے کی کوشش کریں گے جس کے لئے نصاب میں مزید کمی کا کوئی امکان نہیں لیکن امتحانات سے پہلے بچوں کی سہولت کی خاطر امتحانات سے قبل ماڈل پیپر بھی جاری کیا جائے گا ۔

سعید غنی نے کہا ہے کہ بچوں کی تعلیم کے نقصان کا ازالہ کرنا چاہتے ہیں، امتحانات کا دورانیہ 3 گھنٹے سے کم کر کے 2 گھنٹے کر دیا، سوالات کا طریقہ کار تبدیل کیا، نئے طریقہ کار کا امتحانی ماڈل پیپرز جلد جاری کر دیں گے۔

صوبائی وزیر کا کہ حکومت پر تنقید کرتے ہوئے کہنا تھا کہ حکومت حواص باختہ ہوگئی ہے اور اب حکومت کے دن گنے جاچکے ہیں۔