بھارتی فوج کی ایل اوسی پربلااشتعال فائرنگ،حوالدارناصرحسین شہید

ثمرا مظہر

14th Sep, 2019. 05:22 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بھارتی فوج کی ایل اوسی پربلااشتعال فائرنگ،حوالدارناصرحسین شہید

بھارتی فوج کی لائن آف کنٹرول کےحاجی پیرسیکٹر پربلااشتعال فائرنگ کے نتیجے میں پاک فوج کے33سالہ حوالدار ناصر حسین شہیدہوگئے۔

پاک فوج کے شعبہ تعلقات عامہ (آئی ایس پی آر) کے مطابق بھارتی فوج کی فائرنگ سے شہید ہونے والے حوالدار کاتعلق ضلع ناراووال سے تھا۔

آئی ایس پی آر کاکہناہے کہ حوالدار ناصر حسین16سال سے پاک فوج میں خدمات سرانجام دے رہے تھے۔

یاد رہے کہ 12 ستمبر کو بھارتی فوج نے لائن آف کنٹرول کے حاجی پیر سیکٹر پر بلااشتعال فائرنگ کی جس کےنتیجے میں سپاہی غلام رسول شہید ہوگئےتھے۔

آئی ایس پی آر کے مطابق شہید سپاہی غلام رسول کا تعلق بہاولنگر سے تھا۔

گزشتہ ماہ 27 اگست کو بھی بھارتی فوج کی جانب سے ایل او سی کے نکرون سیکٹر پر بلااشتعال فائرنگ کی گئی تھی جس کے نتیجے میں بچی سمیت 2 شہری شہید ہوگئے تھے، فائرنگ سے 3 شہری زخمی اور 3 گھر بھی تباہ ہوئے تھے۔