وزیر اعظم  عمران خان نے  اراکین قومی اسمبلی سے گروپس  کی صورت میں الگ الگ ملاقاتیں کی ہیں۔

تفصیلات کے مطابق پارلیمنٹ ہاؤس میں وزیر اعظم  عمران خان نے اراکین قومی اسمبلی سے گروپس  کی صورت میں الگ الگ ملاقاتیں کی ہیں۔

وزیر اعظم سے ممبران قومی اسمبلی ڈاکٹر خالد مقبول صدیقی (این اے 255)، صابر حسین قائم خانی (این اے 226)، صلاح الدین (این اے 227)، اسامہ قادری (این اے 253)، اقبال محمد علی (این اے 240) اور محترمہ کشور زہرہ  نے ملاقات کی ۔

اس ملاقات میں وفاقی وزراء اسد عمر اور سید امین الحق بھی موجود تھے۔

خواتین ممبران قومی اسمبلی محترمہ ثوبیہ کمال خان، محترمہ ساجدہ بیگم اور محترمہ نصرت واحد  نے بھی وزیر اعظم سے ملاقات کی۔

اس ملاقات میں  معاون خصوصی ملک محمد عامر ڈوگر اور پارلیمانی سیکریٹری منصوبہ بندی محترمہ کنول شوزب بھی موجود تھیں۔

ممبران قومی اسمبلی صالح محمد (این اے 13)، علی خان جدون (این اے 16)، عمران خٹک (این اے 26)، عامر حسین (این اے 245)، ملک عمر اسلم خان (این اے 93)، عبدالمجید خان   (این اے 187) اور محترمہ فوزیہ بہرام  نے وزیر اعظم سے ملاقات کی ۔

اس موقع پر وفاقی وزیر سید علی زیدی اور وزیر اعلیٰ پنجاب سردار عثمان بزدار بھی موجود تھے۔

وزیر  اعظم عمران خان سے  ممبران قومی اسمبلی سید مبین احمد (این اے 175)، ظہور حسین قریشی (این اے 152)، پرنس محمد نواز (این اے 12) اور شیر اکبر خان (این اے 9) نے بھی ملاقات کی۔

اس موقع پر وزیر اعلیٰ پنجاب سردار عثمان بزدار اور وزیر دفاع پرویز خٹک بھی موجود  تھے۔

ممبران قومی اسمبلی حاجی امتیاز احمد چوہدری (این اے 85)، سید فیض الحسن (این اے 70)  اور چوہدری شوکت علی بھٹی (این اے 87)  نے  بھی وزیراعظم سے ملاقات کی۔

ملاقات میں وزیر اعلیٰ پنجاب سردار عثمان بزدار بھی موجود تھے۔

ممبران قومی اسمبلی نوابزادہ شاہ زین بگٹی (این اے 259)   اور خالد حسین مگسی (این اے 260) نے بھی وزیر اعظم سے ملاقات کی۔

وفاقی وزراء اسد عمر اور پرویز خٹک بھی ملاقات میں موجود تھے۔