مریم نواز کوعوامی خدمت کے لیے کسی عہدے کی ضرورت نہیں،مریم اورنگزیب

شبین رضا

17th Sep, 2019. 09:03 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مریم نواز کوعوامی خدمت کے لیے کسی عہدے کی ضرورت نہیں،مریم اورنگزیب

مسلم لیگ ن کی ترجمان مریم اورنگزیب کا کہنا ہے کہ پاکستان تحریک انصاف سستی شہرت کے لیے الیکشن کمیشن درخواست لےکر گئی تھی۔

تفصیلات کے مطابق الیکشن کمیشن کے فیصلے پر مسلم لیگ ن کی ترجمان مریم اورنگزیب نے میڈیا سے گفتگو کرتے ہوئے کہا ہے کہ تحریک انصاف سستی شہرت کے لیے الیکشن کمیشن درخواست لے کر گئی تھی، مریم نواز کو عوامی خدمت کے لیے کسی عہدے اور سرٹیفکیٹ کی ضرورت نہیں ہے۔

مریم اورنگزیب نے مزید کہا کہ آئین اور قانون کی بالادستی کے لیے مر یم نواز کی خدمات کسی سے ڈھکی چھپی نہیں ہیں۔

واضح رہے کہ الیکشن کمیشن نے آج فیصلہ سناتے ہوئے مریم نواز کو پارٹی کی نائب صدارت سے ہٹانے کی پی ٹی آئی کی درخواست مسترد کر دی ہے۔

چیف الیکشن کمشنر نے مختصر فیصلہ سناتے ہوئے کہا کہ نائب صدر کا عہدہ غیر فعال اور اختیارات کے بغیر ہے، اگر پارٹی صدر کا عہدہ خالی ہو تو مر یم نواز نااہلی کے خاتمے تک یہ عہدہ نہیں سنبھال سکتیں لہٰذا انہیں پارٹی کی نائب صدارت سے نہیں ہٹایا جاسکتا ہے۔