وزیر خزانہ عبدالحفیظ شیخ کی زیر صدارت زراعت کے شعبے میں جدت کے منصوبے پر اجلاس ہوا جس میں فارمنگ کے فروغ کیلئے زرعی قرضوں کا عمل بڑھانے کے لئے پیشرفت کا جائزہ لیا گیا۔
اجلاس میں بینکنگ عدالتوں میں خالی عہدوں پر ججوں کو ترجیحی بنیاد پر مقرر کرنے پر زور دیا گیا جبکہ زرعی قرضوں کے اجراء کیلئے طریقہ کار کو آسان بنانے اور قوانین میں ترامیم کی تجاویز دی گئی۔
ڈپٹی گورنر اسٹیٹ بینک نےاجلاس کے دوران متعلقہ فریقین سے مشاورتی عمل کے بارے میں ایک پریزنٹیشن پیش کی۔
اجلاس میں واضح ایکشن پلان کیلئے سکریٹری لاء اینڈ جسٹس ڈویژن، سیکرٹری فوڈ سکیورٹی ، گورنر سٹیٹ بنک اور متعلقہ اداروں کے اعلیٰعہدیداروں پر مشتمل 5 رکنی کمیٹی تشکیل دی۔
اجلاس کی صدارت کرتے ہوئے وزیر خزانہ عبدالحفیظ شیخ نے زراعت کے فروغ کے منصوبے پر موثر اور تیز رفتار عمل درآمد کے لئے حکومت کے پختہ عزم کا اعادہ کیا۔
Advertisement
وزیر خزانہ عبدالحفیظ شیخ نے کہا کہ تمام متعلقہ حکام قابل عمل تجاویز کو حتمی شکل دے کر واضح ایکشن پلان کے ساتھ آئیں۔
اجلاس میں وفاقی قومی فوڈ سکیورٹی اینڈ ریسرچ سید فخر امام، گورنر اسٹیٹ بینک ڈاکٹر رضا باقر، وفاقی اور صوبائی سینئر عہدیداروں نے شرکت کی۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
