وزیر خزانہ کی زیر صدارت زراعت کے شعبے پر اہم اجلاس


وریشہ مسعودویب ایڈیٹر

08th March, 2021
مشیر خزانہ
Square ad 300 x 250

وزیر خزانہ عبدالحفیظ شیخ کی زیر صدارت زراعت کے شعبے میں جدت کے منصوبے پر اجلاس ہوا جس میں فارمنگ کے فروغ کیلئے زرعی قرضوں کا عمل بڑھانے کے لئے پیشرفت کا جائزہ لیا گیا۔

اجلاس میں بینکنگ عدالتوں میں خالی عہدوں پر ججوں کو ترجیحی بنیاد پر مقرر کرنے پر زور دیا گیا جبکہ زرعی قرضوں کے اجراء کیلئے طریقہ کار کو آسان بنانے اور قوانین میں ترامیم کی تجاویز دی گئی۔

ڈپٹی گورنر اسٹیٹ بینک نےاجلاس کے دوران  متعلقہ فریقین سے مشاورتی عمل کے بارے میں ایک پریزنٹیشن پیش کی۔

اجلاس میں واضح ایکشن پلان کیلئے سکریٹری لاء اینڈ جسٹس ڈویژن، سیکرٹری فوڈ سکیورٹی ، گورنر سٹیٹ بنک اور متعلقہ اداروں کے اعلیٰعہدیداروں پر مشتمل 5 رکنی کمیٹی تشکیل دی۔
اجلاس کی صدارت کرتے ہوئے وزیر خزانہ عبدالحفیظ شیخ نے زراعت کے فروغ کے منصوبے پر موثر اور تیز رفتار عمل درآمد کے لئے حکومت کے پختہ عزم کا اعادہ کیا۔

وزیر خزانہ عبدالحفیظ شیخ نے کہا کہ تمام متعلقہ حکام قابل عمل تجاویز کو حتمی شکل دے کر واضح ایکشن پلان کے ساتھ آئیں۔

اجلاس میں وفاقی قومی فوڈ سکیورٹی اینڈ ریسرچ سید فخر امام، گورنر اسٹیٹ بینک ڈاکٹر رضا باقر، وفاقی اور صوبائی سینئر عہدیداروں نے شرکت کی۔