دفتر خارجہ کے ترجمان کا کہنا ہے کہ دنیا آزاد کشمیرکانفسیاتی کنٹرول حاصل کرنےکے بھارتی بیانات کانوٹس لے ، پاکستان امن کاخواہشمند ہے مگر جارحیت کا بھرپور جواب دینے کےلیےتیار ہے۔

تفصیلات کے مطابق دفتر خارجہ کے ترجمان ڈاکٹر فیصل نے اپنے بیان میں کہا ہے کہ بھارتی وزیر کا بیان انسانی حقوق کی پامالی سےتوجہ ہٹانےکی کوشش ہے، بھارت نےمقبوضہ کشمیرکو دنیا کی سب سےبڑی جیل میں تبدیل کررکھاہے، انسانی حقوق کی خلاف ورزی بھارت کی ریاستی دہشت گردی کا ثبوت ہے۔

ڈاکٹر فیصل کا کہنا ہے کہ انسانی حقوق کی خلاف ورزی بھارت کی ریاستی دہشت گردی کاثبوت ہے، بھارت ایسے اقدامات سے عالمی برادری کی توجہ نہیں ہٹا سکتا،بھارت انسانی حقوق کی سنگین خلاف ورزیوں کی تاویلیں پیش کر رہا ہے، بھارت میں شرمناک طریقوں سےاقلیتوں کے خلاف اقدامات کیےجاتے ہیں، گائے کو دبوچنے کے الزامات میں لوگوں پرہجوم میں تشدد کیا جاتا ہے۔

 ترجما ن دفتر خارجہ کا کہنا ہے کہ اقلیت کےخلاف اورکشمیرمیں جارحیت بھارت کااصل چہرہ واضح کرتےہیں، دنیا آزاد کشمیر کا نفسیاتی کنٹرول حاصل کرنے کے بھارتی بیانات کا نوٹس لے، ایسے بیانات صورتحال کو مزید پیچیدہ اورخراب کریں گے،پاکستان امن کاخواہشمند ہے مگر جارحیت کا بھرپور جواب دینے کےلیےتیار ہے۔

واضح رہے کہ گذشتہ روز پاکستان نے بھارت کے بے بنیاد الزامات کومسترد کر دیا تھا، ترجمان دفترخارجہ ڈاکٹر فیصل نے کہا تھا کہ بےبنیادالزامات سےبھارت کشمیریوں کیخلاف جرائم سےتوجہ نہیں ہٹاسکتا، بھارت مسئلہ کشمیرکویواین قراردادوں کےمطابق حل کرے اور مقبوضہ وادی میں فوری مظالم بندکرائے۔

پاکستان امن کاحامی ہے،کسی جارحیت کافوری جواب دےگا، بھارتی غیرذمہ دارانہ بیان خطےکےامن کیلئےخطرہ ہیں، نام نہاد جمہوریت کاحامل بھارت 70سال سے سنگین جرائم کررہاہے۔

ڈاکٹر فیصل نے مزید کہا تھا کہ بھارت دنیاکاوہ ملک ہےجواقلیتوں کیخلاف جرائم کوفروغ دےرہاہے، ڈھٹائی سےکشمیرمیں انسانی حقوق کی خلاف ورزیاں کر رہا ہے اور مقبوضہ وادی میں ریاستی دہشت گردی کامرتکب ہورہاہے۔