وزیراعظم سے رکن قومی اسمبلی امجد علی کی ملاقات ،سیاسی صورتحال پر بات چیت

وریشہ مسعود

15th Mar, 2021. 10:10 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیراعظم سے رکن قومی اسمبلی امجد علی کی ملاقات ،سیاسی صورتحال پر بات چیت

وزیراعظم عمران خان سے رکن قومی اسمبلی و چیئرمین قائمہ کمیٹی برائے دفاعی امور امجد علی خان کی ملاقات ہوئی جس میں ملک کی موجودہ سیاسی صورت حال پر بات چیت کی گئی جبکہ پی ڈی ایم کےاحتجاجی تحریک دھرنے پر بھی مشاورت کی گئی۔

ملاقات میں وزیراعظم عمران خان کو سینیٹ کے الیکشن میں چیئرمین اور ڈپٹی چٸیرمین کے الیکشن میں کامیابی پر امجد علی خان نے مبارکباد دی۔

اس موقع پر چیئرمین قائمہ کمیٹی برائے دفاعی امور امجد علی خان نے کہا کہ قومی اسمبلی میں وزیر اعظم پر پارلیمنٹ کے بھر پور اعتماد کے بعد اپوزیشن جماعتوں کے غبارے سے ہوا نکل چکی ہے۔

رکن قومی اسمبلی و چیئرمین قائمہ کمیٹی برائے دفاعی امور امجد علی خان نے مزید کہا کہ قوم کے منتخب نمائندوں کا وزیر اعظم پر بھر پوراعتماد اپوزیشن کی انتشار کی سیاست پر ایک طمانچہ ہے، انشاء اللہ پاکستان کی ترقی کے دشمنوں کے عزائم خاک میں مل جائیں گے۔