وفاقی حکومت نے کراچی پولیس چیف غلام نبی میمن کی خدمات واپس مانگ لیں

ثمرا مظہر

21st Mar, 2021. 12:11 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وفاقی حکومت نے کراچی پولیس چیف غلام نبی میمن کی خدمات واپس مانگ لیں

وفاقی حکومت نےکراچی پولیس چیف غلام نبی میمن کی خدمات واپس مانگتے ہوئے چیف سیکرٹری سندھ کو خط لکھ دیا ہے۔

تفصیلات کے مطابق پی ایس پی اور پی اے ایس افسران کی روٹیشن پالیسی کے تحت وفاق نے سندھ حکومت سے کراچی پولیس چیف غلام نبی میمن کی خدمات واپس مانگ لی ہیں۔

اس سلسلے میں اسٹیبلشمنٹ ڈویژن کی جانب سے چیف سیکرٹری سندھ کو لکھے گئے خط میں کہا گیا ہے کہ گریڈ 22 میں ترقی کے لیے بھی ان کی خدمات وفاق کے حوالے کرنا فائدہ مند رہے گا۔

خط میں لکھا گیا ہےکہ غلام مبی میمن کی خدمات انٹیلی جنس بیورو سے 22 مئی 2019 کو سندھ حکومت کے حوالے کی گئیں، غلام نبی میمن 16 سال سے سندھ کی جغرافیائی حدود میں خدمات انجام دے رہے ہیں، گریڈ 22 میں ترقی کے لیے بھی ان کی خدمات وفاقی حکومت کے حوالے کرنا فائدہ مند ہوگا۔

وفاق کا کہنا ہے کہ سندھ میں تعینات افسران کو حال ہی میں گریڈ 21 میں ترقیاں دی گئی ہیں، ان ترقیوں کے بعد سندھ میں گریڈ 21 کے ایک افسر تعداد سے زیادہ ہے، وفاق اسی لیے غلام نبی میمن کی خدمات حاصل کرنا چاہتا ہے۔