صدر مملکت عارف علوی کی جانب سے ٹیکس قوانین ترمیمی آرڈیننس 2021 جاری کردیا گیا۔
تفصیلات کے مطابق ٹیکس قوانین ترمیمی آرڈیننس 2021 فوری طور پر نافذ العمل ہوگا جس میں 75 سے زائد ترامیم کی گئی ہیں اور 62 اداروں کو ٹیکس کریڈٹ کی سہولت دی گئی ہے۔
ٹیکس قوانین ترمیمی آرڈیننس 2021 کے مطابق کاروباری مقامات پر این ٹی این یا بزنس کارڈ آویزاں کرنا لازمی ہے،این ٹی این آویزاں نہ کرنے پر جرمانے عائد کیے جائیں گے۔
ٹیکس قوانین ترمیمی آرڈیننس کے تحت فریش گریجویٹس کو حاصل ٹیکس چھوٹ بھی واپس لے لی گئی ہے۔
آرڈیننس 2021 کے تحت پاکستان کرکٹ بورڈ(پی سی بی) سمیت کھیلوں کی تمام تنظیموں کی ٹیکس چھوٹ ٹیکس کریڈٹ میں تبدیل کردی گئی ہے جب کہ فلم انڈسٹری کے لیے ٹیکس چھوٹ بھی واپس لے لی گئی۔
Advertisement
آرڈیننس 2021 میں فلاحی اداروں شوکت خانم میموریل ٹرسٹ، شریف ٹرسٹ اور عالمگیر ویلفیئر ٹرسٹ کی ٹیکس چھوٹ کو برقرار رکھا گیا ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
