وفاقی ادارہ شماریات، مہنگائی سے متعلق ہفتہ وار رپورٹ جاری

ثمرا مظہر

27th Mar, 2021. 12:40 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وفاقی ادارہ شماریات، مہنگائی سے متعلق ہفتہ وار رپورٹ جاری

وفاقی ادارہ شماریات کی جانب سے مہنگائی کی ہفتہ وار رپورٹ جاری کردی گئی۔

رپورٹ کے مطابق ایک ہفتے میں مہنگائی کی شرح 0.61 فیصد بڑھی جس کے بعد ملک میں مہنگائی کی شرح 15.35 فیصد پر پہنچ گئی ہے۔

رپورٹ کے مطابق ایک ہفتےکے دوران آٹا، چینی، دالیں، گھی، ٹماٹر، چکن سمیت 22 اشیاء مہنگی ہوئیں جبکہ 7 اشیاء کی قیمتوں میں کمی اور 22 میں استحکام رہا۔

رپورٹ کے مطابق آٹے کے 20 کلو تھیلے کی قیمت میں 9 روپے 72 پیسے اضافہ ہوا، گھی 2 روپے 88 پیسے فی کلو ، دال مسور ایک روپیہ فی کلو اور انڈے 61 پیسے فی درجن مہنگے ہوئے۔

ادارہ شماریات کے مطابق حالیہ ہفتے دال چنا، تازہ دودھ، چاول، مٹن اور بیف کی قیمت میں بھی اضافہ ہوا۔

رپورٹ میں بتایا گیا کہ چکن 21 روپے فی کلو مہنگی ہوئی اور اوسط قیمت 259 روپے86 پیسے پر پہنچ گئی جبکہ چینی کی فی کلو قیمت 59 پیسے اضافے کے بعد 99روپے ہوگئی۔

ایک ہفتے کے اعداد و شمار کے مطابق ٹماٹر 7 روپے 85 پیسے فی کلو مہنگے ہوئے، کیلا ایک روپے 49 پیسے، دہی 28 پیسے فی کلو مہنگا ہوا۔

رپورٹ کے مطابق ایک ہفتے میں لہسن 16 روپے 42 پیسے فی کلو، پیاز 8روپے 81 پیسے اور آلو 79 پیسے فی کلو سستے ہوئے جبکہ گڑ کی قیمتیں بھی کم ہوئیں۔

رپورٹ کے مطابق ایل پی جی کے گھریلو سلنڈر میں 9 روپے 48 پیسے کی کمی ہوئی ہے۔