محکمہ موسمیات کا کہناہے کہ ملک کے بیشتر علاقوں میں یکم اپریل سے 10 اپریل تک موسم خشک اور گرم رہے گا، تاہم اس کے بعد رمضان المبارک کے دوران پاکستان میں بارشیں ہونے کا امکان ہے۔

محکمہ موسمیات کے مطابق 10 اپریل کے بعد بالائی سندھ، جنوبی پنجاب، بالائی خیبرپختونخوا، جنوبی خیبرپختونخوا، مغربی خیبرپختونخوا اور شمال مشرقی بلوچستان میں بارشوں کے سلسلوں کی توقع کی جارہی ہے۔

اس کے علاوہ ملک کے دیگر علاقوں میں بھی 10 اپریل کے بعد بارشوں کا امکان ہے۔

محکمہ موسمیات کے مطابق بارشوں کا ایک سلسلہ اتوار یا پیر سے پاکستان پر اثر انداز ہوگا جوکہ ملک کے شمالی علاقہ جات میں بارشوں کا باعث بنے گا،اس دوران ملک کے کچھ وسطی اور جنوبی علاقوں میں بارشوں کی توقع کی جاسکتی ہے۔

محکمہ موسمیات کے مطابق کراچی سمیت ساحلی پٹی میں بارشیں ہوسکتی ہیں جبکہ وسطی اور جنوبی بلوچستان میں بھی بارشیں ہونگی۔

ملک کے بیشتر شہروں میں درجہ حرارت میں اضافہ جاری ہے اور گرمی کی ایک لہر ہفتے تک جاری رہنے کی توقع ہے۔

محکمہ موسمیات کے مطابق ملک کے بیشترعلاقے تیزہواؤں کی لپیٹ میں ہیں جس کی وجہ سے نمی کا تناسب گرچکا ہے، خشک ہوائیں آئندہ دو سے تین روز تک چلتی رہیں گی۔

محکمہ موسمیات کے مطابق ملک کے بیشترعلاقوں میں اپریل کے دوران روزانہ کی بنیاد پر دوپہر اور شام کے اوقات میں آندھی اور ژالہ باری ہوسکتی ہے۔