پیرس: فرانسیسی صدر نے عالمی وباء کورونا کی تشویشناک صورتحال کے پیشِ نظر 3 ہفتوں کے لیے اسکولزبند کر نے کا فیصلہ کیا ہے۔
بین الاقوامی ذرائع ابلاغ کے مطابق فرانس کے صدر ایمانیول میکخواں نے کورونا وائرس کے بڑھتے کیسز کے پیشِ نظر ملک میں 3 ہفتوں کے لیے اسکول اور اندرونِ ملک پروازیں بند کرنے کا اعلان کرتے ہوئے کہا کہ اگر ہم نے ابھی اقدامات نہ کیے تو صورتحال پر قابو نہیں پاسکیں گے۔
فرانسیسی صدرنے قوم سے خطاب کرتے ہوئے کہاکہ وباء تیزی سے پھیل رہی ہے لہذا ہم اسکولز بند کررہے ہیں۔
انہوں نے کہاکہ رات 7 سے صبح 6 بجے تک ملک میں کرفیو اور دیگر پابندیاں بھی جاری رہیں گی۔
واضح رہے کہ فرانس میں کورونا وائرس کے باعث اب تک 95 ہزار سے زائد افراد جان کی بازی ہار چکے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News