نیب کے کیسز اور گرفتاریاں آواز دبانے کی کوشش ہے ، مریم نواز

شبین رضا

06th Apr, 2021. 03:45 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نیب کے کیسز اور گرفتاریاں آواز دبانے کی کوشش ہے ، مریم نواز

مسلم لیگ ن کی نائب صدر مریم نواز نے چوہدری شوگر ملز کیس میں نیب کی درخواست پر اپنے جواب میں کہا ہے کہ نیب کے کیسز اور گرفتاریاں آواز دبانے کی کوشش ہے۔

تفصیلات کے مطابق چوہدری شوگر مل کیس میں مسلم لیگ ن کی نائب صدر مریم نواز نے نیب کی درخواست پر جواب جمع کرا دیا ، مریم نواز کا جواب 6صفحات پر مشتمل ہے۔

ذرائع کے مطابق جواب میں مریم نواز نے نیب کی درخواست جرمانے کے ساتھ خارج کرنے کی استدعا کرتے ہوئے کہا ہے کہ نیب نے چوہدری شوگر مل کیس میں 14 ماہ خاموشی اختیار کی پھر طلب کیا، نیب کے کیسز اور گرفتاریاں آواز دبانے کی کوشش ہے جبکہ نیب سیاسی انجینرنگ کا کردار ادا کر رہا ہے۔

مریم نواز نے اپنے جواب میں نیب کی ضمانت منسوخی کی درخواست کی مخالفت کی اور کہا نیب کی درخواست سے بظاہر لگتا ہے کہ چیرمین نیب حکومت کے ترجمان ہیں۔

جواب میں کہا گیا کہ قانون کے مطابق لاہور ہائی کورٹ نے چوہدری شوگر مل میں ان کی ضمانت منظور کی۔

انہوں نے کہاکہ لاہور ہائی کورٹ نے نیب کا موقف سننے کے بعد میرٹ پر ضمانت منظور کی تھی۔

مریم نواز نے اپنے جواب میں مزید کہا کہ نیب کا کام کرپشن روکنا ہے سیاسی بیانات پر کارروائی کرنا نہیں۔