امریکی صدر کا گن وائلنس کیخلاف کارروائی کا اعلان

عروبہ خان

09th Apr, 2021. 02:43 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

امریکی صدر کا گن وائلنس کیخلاف کارروائی کا اعلان

امریکی صدرجوبائیڈن نے ملک میں فائرنگ کے پُرتشددواقعات کی روک تھام کے لئے محدود اقدامات کا اعلان کیا ہے۔

تفصیلات کے مطابق امریکی صدر جوبائیڈن نے محکمہ انصاف کو گھوسٹ گنز اور کٹس کی منتقلی روکنے کا قانون تجویز کرنے کا حکم دے دیا ہے۔

پُرتشدد واقعات میں متاثرہ خاندانوں سے خطاب کرتے ہوئے امریکی صدرجوبائیڈن نے ان اقدامات کو اندھا دھند فائرنگ، قتل اور خودکشی کے واقعات کی روک تھام کی جانب پہلا قدم قرار دیا ہے۔

انہوں نے کہا ہے کہ نئے اقدامات کے تحت محکمہ انصاف کو پُرتشدد واقعات میں ملوث گروہوں کیخلاف کارروائی کا خصوصی اختیا ردیا گیا ہے۔

خیال رہے کہ اس سے قبل امریکی ریاستوں میں فائرنگ کے دو مختلف واقعات میں سات افراد ہلاک ہوئے اور متعدد زخمی ہوگئے ہیں۔

پہلا واقعہ کیرولینا کے شہر راک ہل میں پیش آیا جہاں مسلح شخص نے فائرنگ کر کے پانچ افراد کو ہلاک اور چھ کو زخمی کرکے خودکشی کرلی تھی۔

فائرنگ کا دوسر واقعہ ٹیکساس میں پیش آیا جہاں گولیاں لگنے سے ایک شخص ہلاک جبکہ پانچ زخمی بھی ہوئے۔