اگست کے مہینے میں ’’کشمیر‘‘ گوگل پر سب سے زیادہ سرچ کیاجانے والا لفظ بن گیا ہے۔ دنیاکے سب سے بڑے سرچ انجن ’’ گوگل‘‘پر گزشتہ ماہ میں کشمیرکوخوب سرچ کیا گیا ہے، اس سے پہلے ایساکبھی نہیں ہوا کہ جب اقوام عالم نے کشمیرکواتنی توجہ دی ہو۔ آ رٹیکل 370کی منسوخی کے بعد صرف پاکستان ہی نہیں بلکہ دنیابھرکے لوگوں نے کشمیر کے با رے میں جا ننے اور سمجھنے کےلئے سب سے زیادہ کشمیرکوسرچ کیا ہے۔ 

5 اگست کو کشمیرکی خصوصی حیثیت ختم کرنے کے بعد دنیابھرمیں تشویش کی لہردوڑ گئی، مقبوضہ کشمیرمیں مواصلاتی نظام کی بندش، انٹرنیٹ، موبائل سروسز، لینڈ لائن سروسز اوردیگرمواصلاتی نظام کوبند کردیا گیا،دنیاکے سب سے بڑے سرچ انجن ’’ گوگل‘‘پر  اسی  ماہ  اس تما م صورتحال کو جا ننے کےلئے کشمیرکوخوب سرچ کیا گیا۔

تفصیلات کے مطا بق آرٹیکل 370کی منسوخی کے بعد صرف پاکستان ہی نہیں بلکہ دنیابھرکے لوگوں نے سب سے زیادہ کشمیرکوسرچ کیااوراس کے بارے میں جاننے کی کوشش کی، اس سے پہلے پلوامہ حملے کے بعدبھی لوگوں نے کشمیرکوخوب سرچ کیاتھا لیکن 5 اگست کوکشمیرکی خصوصی حیثیت ختم ہونے کے بعدکشمیرکوفروری کے مقابلے میں 3 گنازیادہ سرچ کیاگیا۔

صرف یہی نہیں بلکہ دنیا بھر کے لوگوں نے کشمیرکے جھنڈے، کشمیرکی حفاظت اورکشمیرکے حوالے سے معلومات کوبھی بڑے پیمانے پرسرچ کیا، کشمیرمیں لگی پابندیاں خاص طورپرانٹرنیٹ اورفون سروسزکے بند ہونے کے باعث دنیامیں یہ تجسس پایاجاتاہے کہ وہاں کیاحالات چل رہے ہیں۔

کشمیر کی کشیدہ صورتحال کے با عث ہی گوگل پرکشمیرٹاپ پرسرچ کیاجارہاہے،اس صورتحال کے پیش نظر  یہ بھی کہاجارہاہے کہ کرفیوکے خاتمے پرپوری دنیا کی توجہ کامرکزکشمیربن جائے گاجس سے بھارت خوفزدہ ہے۔

وا ضح رہے کہ مقبو ضہ وادی میں قابض بھارتی فوج ظلم کے پہاڑ توڑ رہی ہے، نہتے کشمیری 49 روزسے گھروں میں قید ہیں،بھارتی سپریم کورٹ کے حکم کے باوجود مقبوضہ وادی میں آج بھی نظام زندگی مفلوج ہے اور حالات معمول پر لانے کے لئے بھارتی حکومت نے  سپر یم کو رٹ کے حکم پر عمل در آمد کر تے ہوئے مقبو ضہ کشمیر میں کوئی  مثبت قدم نہیں اٹھایا۔ 

مقبوضہ کشمیر میں مسلسل 49ویں روز بھی کرفیو برقرار ہے اور مواصلات کا نظام مکمل پر معطل ہے، قابض انتظامیہ نے ٹیلی فون سروس بند کررکھی ہے جبکہ ذرائع ابلاغ پرسخت پابندیاں عائد ہیں۔