تیل و گیس کی تلاش کے لئے مزید 6 بلاکس کے لائسنس جاری کر دیئے گئے ہیں۔

تیل و گیس کی تلاش کے لئے مزید 6 بلاکس کے لائسنس جاری

عروبہ خان

23rd Apr, 2021. 03:24 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

تیل و گیس کی تلاش کے لئے مزید 6 بلاکس کے لائسنس جاری

وزارت پٹرولیم کی جانب سے تیل و گیس کی تلاش کے لئے مزید 6 بلاکس کے لائسنس جاری کر دیئے گئے ہیں۔

تفصیلات کے مطابق 6 تیل و گیس بلاکس کیلئے پٹرولیم کنسیشن، ایکسپلوریشن لائسنس پر دستخط کی تقریب پٹرولیم ڈویژن میں منعقد ہوئی جس میں وفاقی وزیر توانائی حماد اظہر نے بھی شرکت کی۔

اس سلسلے میں سیکرٹری پٹرولیم اسد حیاالدین اور ڈائرئکٹر جنرل پٹرولیم کنسیشنز عبدالجبار میمن نے حکومت پاکستان جبکہ او جی ڈی سی ایل کے مینجنگ ڈائریکٹر شاہد سلیم خان ، مینجنگ ڈائریکٹر این سی پی ایل فہیم حیدر اور مینجنگ ڈائریکٹر پی پی ایل معین رضا خان نے اپنی اپنی کمپنیوں کی طرف سے دستخط کئے۔

اس موقع پر وزیر توانائی حماد اظہر نے کہا کہ ایکسپلوریشن سرگرمیوں سے ملکی آئل و گیس کی پیداوار میں اضافہ ہو گا جبکہ ای اینڈ پی کارروائیوں سے روزگار کے مواقع بھی پیدا ہو ں گے۔

انہوں نے کہا کہ تین سالانہ ایکسپلوریشن سرگرمی کے دوران کمپنیاں 24.68 ملین ڈالر کی سرمایہ کاری کریں گی۔

خیال رہے کہ اس لائسنس کے تحت ایکسپلوریشن کمپنیاں سالانہ خطیر رقم ہر بلاک میں سوشل ویلفیئر منصوبوں پر خرچ کرنے کی بھی پابند ہوں گی۔