شاہد خاقان اور مفتاح اسماعیل کو جیل بھیجنے کا حکم

عمر اللہ حسینی

26th Sep, 2019. 07:02 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شاہد خاقان اور مفتاح اسماعیل کو جیل بھیجنے کا حکم

احتساب عدالت نے سابق وزیراعظم شاہد خاقان عباسی اور سابق وزیر خزانہ مفتاح اسماعیل کو جیل بھیجنے کا حکم دے دیا۔ نیب کی مزید ریمانڈ کی استدعا عدالت نے مسترد کردی۔
احتساب عدالت میں شاہد خاقان عباسی نےاپنا 9 صفحات پر مشتمل بیان جمع کروا دیا۔
شاہد خاقان عباسی کا کہنا تھا کہ نیب میرے خلاف 2 افسران کو دھمکا کر وعدہ معاف گواہ بنانا چاہتا ہے، فون کرکے میرے رشتہ داروں ،دوستوں اور کچھ افسران کو دھمکایا جارہا ہے، نیب والوں نے بناناریپبلک بنائی ہوئی ہے۔
شاہد خاقان نے مزید کہا کہ ملزم کو گرفتار پہلے کرتے ہیں اور کیس بعد میں بناتے ہیں، عدالت چاہے تو میرا مزید ریمانڈ نیب کو دے دے،چیف جسٹس بھی پولیٹیکل انجینئرنگ کا ذکر کرچکے ہیں۔
احتساب عدالت کے جج محمد بشیر نے ریمارکس دئیے کہ اس بار مزید ریمانڈ نہیں دوں گا۔عدالت نے دونوں ملزمان کو جوڈیشل ریمانڈ پر جیل بھیجنے کا حکم دیا۔ ان کے ساتھ سابق ایم ڈی پی ایس او عمران الحق کو بھی جیل بھیجنے کا حکم دیا گیا۔ عدالت نے تینوں ملزمان کو 11 اکتوبر کو دوبارہ پیش کرنے کا حکم دیا ہے۔

اس کے علاوہ، سابق وزیر اعظم شاہد خاقان سے متعلق اخبار کی خبر پر ترجمان نیب نے تردید کردی ہے۔ نیب نے کہا ہےکہ شاہد خاقان کو دوران تفتیش زود کوب نہیں کیا گیا اور ریمانڈ مکمل ہونے پرعدالت پیش کیا جاتا رہا۔
نیب نے بتایا کہ شاہد خاقان نے کبھی ایسی کوئی شکایت نہیں کی اور نیب پیشہ وارانہ طریقے سے تفتیش کرتا ہے۔