وزیر اعظم کی اقوام متحدہ کے سیکرٹری جنرل سے ملاقات

عروبہ خان

27th Sep, 2019. 07:24 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیر اعظم کی اقوام متحدہ کے سیکرٹری جنرل سے ملاقات

وزیر اعظم اور سیکرٹری جنرل انتونیو گورٹیس کی اقوام متحدہ ہیڈ کوارٹرز نیویارک میں ملاقات ہوئی ہے۔

تفصیلات کے مطابق ملاقات میں وزیراعظم عمران خان نے مقبوضہ کشمیر کی صورتحال سے سیکرٹری جنرل کو آگاہ کیا ہے جبکہ ملاقات میں خطے میں قیام امن کے متعلق بھی بات ہوئی۔

وزیراعظم کا کہنا تھا کہ تکبر نے بھارتی وزیراعظم نریندر مودی کو اندھا کر رکھا ہے، بھارت نے غیر قانونی طور پر کشمیر کی خصوصی حیثیت ختم کرکے اقوام متحدہ کی 11 قراردادوں کی خلاف ورزی کی، نریندر مودی کہتے ہیں کہ یہ سب کشمیر کی ترقی کے لیے کیا، اگر ایسا ہے تو مقبوضہ کشمیرمیں 9 لاکھ بھارتی فوجی کیا کر رہے ہیں؟

انکا مزید کہنا تھا کہ مظلوم کشمیری 53 دن سے بھارتی فوج کے محاصرے میں ہیں، وادی میں کرفیو ہٹنے کے بعد بدترین خونریزی کا خدشہ ہے، انہوں نے بتایا کہ کشمیریوں کو بنیادی سہولتوں سے محروم کردیا گیا ہے۔

عمران خان نے کہا ک اقوام متحدہ کو کشمیریوں پر مظالم کا فوری نوٹس لینا چاہیے اور کشمیریوں کی نسل کشی کا نوٹس لیتے ہوئے اپنا بھرپور کردار ادا کرے۔

سیکرٹری جنرل اقوام متحدہانٹونیو توگریسنے کہا ہے کہ مقبوضہ کشمیر معاملے پر نظر رکھے ہوئے ہیں اور مسئلہ کشمیر کے پر امن حل کے لیے کوششیں جاری رکھیں گے۔