وزیراعلیٰ سندھ سید مراد علی شاہ نے کہا ہے کہ خیبرپختونخوا اور پنجاب میں ترقیاتی کام ہوں تو خوشی ہوتی ہے۔

تفصیلات کے مطابق وزیراعلیٰ سندھ سید مراد علی شاہ نے کہا کہ وزیراعظم عمران خان کی زیر صدارت قومی اقتصادی کونسل کا اجلاس ہوا ہے۔

مراد علی شاہ نے کہا کہ ایک سال میں ایک ہی این ای سی کی میٹنگ ہوئی  ہے جبکہ سال میں دو بار اجلاس بلانا آئینی تقاضہ ہے۔

انہوں نے یہ بھی کہا کہ وزیراعظم نے 4 این ای سی کی میٹنگ بلانے کا وعدہ کیا ہے۔

وزیراعلیٰ سندھ کا کہنا تھا کہ بجٹ میں سندھ کے لئے کم اسکیمیں رکھی گئی ہیں ،سپریم کورٹ کا بھی اس حوالے سے واضح حکم ہے۔

مراد علی شاہ نے کہا کہ احتجاج کم بجٹ رکھنے پر ہے ،سندھ کے ساتھ ناانصافی ہو رہی ہے۔

انہوں نے یہ بھی کہا کہ عمران خان نے مجھے روک کر کہا آپ بہت بولتے ہیں،آپ سنیں۔

وزیراعلیٰ سندھ کا کہنا تھا کہ سندھ کے 7 ارب سے بڑھا کر 15 ارب کر دیے ہیں ،بجٹ کے حوالے سے اختلافی نوٹ کل جمع کروائیں گے۔

مراد علی شاہ نے کہا کہ پنجاب میں 94 ارب اور سندھ کی 65 ارب کی اسکیموں کو شامل کیا گیا ،احتجاج کیا گیا ہے کہ پنجاب کو کونسی ترقیاتی اسکیمیں دے رہے ہیں اور ہمیں کونسی۔

انہوں نے یہ بھی کہا کہ 9.7  ارب کی سکیموں پر صرف 500 ملین خرچ ہوئے ہیں ،ایک ہی جگہ پر دومختلف طرز کی اسکیمیں شامل کرنے سے کرپشن ہو گی۔

وزیراعلیٰ سندھ کا کہنا تھا کہ ایم این اے  اور ایم پی اے کے کہنے پر اسکیموں کو شامل نہ کیا جائے۔

وزیراعلیٰ سندھ سید مراد علی شاہ نے مزید کہا کہ اس سال پنجاب کو 12 سے 13 نئی اسکیمیں دی گئی ہیں۔