مسلم لیگ ن کی مرکزی نائب صدر مریم نواز نے کہا کہ ن لیگ بجٹ کےمعاملےپرمشاورت کررہی ہے۔

تفصیلات کے مطابق مسلم لیگ ن کی مرکزی نائب صدر مریم نواز نے کہا کہ پیپلز پارٹی سے کوئی مقابلہ نہیں ، وہ میرا ہدف نہیں ، شہباز شریف بجٹ  سے متعلق حکمت عملی جلد سامنےلائیں گے۔

مسلم لیگ ن کی مرکزی نائب صدر نے کہا کہ ن لیگ  پسے ہوئے طبقے کی آواز بنے گی ، ن لیگ نے بجٹ  سیمینار میں حکومت کو بےنقاب کیا ، استعفوں کا فائدہ تب ہوتا جب سب ملکر دیتے ، پی  ڈی  ایم  تقسیم  ہو کر استعفے دیتی تو فائدے کے بجائے نقصان ہوتا۔

انہوں نے کہا کہ نااہلی ،نالائقی اورکرپشن عروج پر ہے ، حکومت نے کارکردگی  نہ  دکھائی تو اسکی قیمت  ادا کرنی ہوگی ، حکومت کارکردگی کے بغیر کب  تک کام کرتی  رہے گی؟

مریم نواز نے کہا کہ حکومت کی ترجیح نوازشریف  اور اپوزیشن  ہے ، ہماری اطلاعات ہیں امریکا کوائیر بیسز دیے جا چکے ہیں ،   حکومت نے ڈیل سے متعلق میڈیا پرچلنے والی خبروں کی تردید نہیں کی ، عوام کا حق ہے بتایا جائے ڈوبتی کشتی بچانے کیلئے کون سی ڈیل کی۔

مسلم لیگ ن کی مرکزی نائب صدر نے کہا کہ حکومت نے ملکی سلامتی کوتباہ کردیا ، اس حکومت میں جتنے ٹرین حادثات ہوئے وہ نااہلی کا نتیجہ ہیں ، بےحسی کی انتہا ہے حکومت اپنی غلطی بھی قبول نہیں کررہی ، عوام کونااہل اورنالائق حکومت سےنجات چاہیے۔