معاون خصوصی برائے اطلاعات فردوس عاشق اعوان کا کہنا ہے کہ مولانا صاحب پروٹوکول اورمراعات کا قرض ادا کرنے کا وقت آگیا۔

تفصیلات کے مطابق معاون خصوصی برائے اطلاعات فردوس عاشق اعوان نے سماجی رابطے کی ویب سائٹ ٹویٹر پراپنے پیغام میں کہا ہےکہ مولانا صاحب، اپنی آواز مظلوم کشمیریوں کے حق میں بلند کریں۔

فردوس عاشق کا کہنا ہے کہ کشمیریوں کے لیے آواز بلند کرنے پر ہی آپ کی پذیرائی ممکن ہوگی، مولانا صاحب،2 سیاسی جماعتوں کے عزائم کو بھانپیں،2 سیاسی جماعتیں آپ کو ذاتی مفاد کی بھینٹ چڑھانا چاہتی ہیں، ایک سیاسی نبض شناس عوام کی نبض کوکیوں نہیں سمجھ پا رہا؟۔

معاون خصوصی برائے اطلاعات نے کہا کہ مولانا صاحب پروٹوکول اورمراعات کا قرض ادا کرنے کا وقت آگیا ہے، مولانا صاحب،الفاظ کے تیروں کا رخ فسطائی مودی کی جانب موڑیں۔

مولانا صاحب! عوام میں آپ کی پذیرائی تب ہی ممکن ہے جب آپ اپنی آواز مظلوم کشمیریوں کے حق میں بلند کریں۔ کشمیر کمیٹی کے چیئرمین کے طور پر پروٹوکول اور مراعات کا قرض ادا کرنے کا وقت آگیا ہے۔ اپنے الفاظ کے تیروں کا رخ فسطائی مودی کی جانب موڑیں۔

— Dr. Firdous Ashiq Awan (@Dr_FirdousPTI) October 3, 2019

واضح رہے کہ گزشتہ ماہ بلاول بھٹو کی جانب سے دھرنے میں شرکت نہ کرنے کے اعلان پر فردوس عاشق اعوان کا کہنا تھا کہ پہلے ہی دن کہہ دیا تھا کہ اپوزیشن آپس میں سیاست کر رہی ہے،اپوزیشن کوخود اپوزیشن سے خطرہ ہے، مولانا صاحب پارٹیاں آپ کو قربانی کا بکرا بنانے کی سازش کررہی ہیں۔