وزیراعلیٰ نے آج بھی چیخ چیخ کر بڑی بڑی باتیں کی ہیں ، حلیم عادل شیخ

مریم اقبال

14th Jun, 2021. 07:26 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیراعلیٰ نے آج بھی چیخ چیخ کر بڑی بڑی باتیں کی ہیں ، حلیم عادل شیخ

اپوزیشن لیڈر سندھ اسمبلی حلیم عادل شیخ نے کہا کہ وزیراعلیٰ نے آج بھی چیخ چیخ کر بڑی بڑی باتیں کی ہیں۔

تفصیلات کے مطابق اپوزیشن لیڈر سندھ اسمبلی حلیم عادل شیخ نے وزیراعلیٰ سندھ کی پریس کانفرنس پر ردعمل دیتے ہوئے کہا کہ وزیر اعلیٰ نے کہا کہ نالے نالے کرنے والے نالوں میں بہہ جائیں گے ، وزیر اعلیٰ صاحب پچھلے سال آپ نے آدھے کراچی کو نالوں میں بہا دیا تھا۔

انہوں نے کہا کہ نالوں کی صفائی کا کام این ڈی ایم اے کا تھا وہ تو جاری ہے ، 38 نالے جو سندھ حکومت نے بنانے تھے وہ نہیں بناسکے ، آج چیف جسٹس نے بھی کہہ دیا کہ سب سے زیادہ کرپشن سندھ میں ہے ، آج سندھ کے اصل وزیراعلیٰ کا نام بھی سامنے آچکا ہے۔

اپوزیشن لیڈر سندھ اسمبلی نے کہا کہ یہاں مختلف ادوار میں مختلف لوگ بااختیار ہوتے ہیں ، ٹپی سے شروع ہونے والی کہانی اب سیٹھ یونس میمن تک آچکی ہے ، آج سندھ میں یونس میمن کا راج ہے مراد علی شاہ ربڑ اسٹمپ ہیں۔

حلیم عادل شیخ نے کہا کہ لگتا ہے مراد علی شاہ تین دن باہر یونس میمن سے ہدایت لینے گئے تھے ، مراد علی شاہ نے آج بھی نفرت اور الزام تراشی کی کوشش کی ہے۔

انہوں نے کہا کہ سندھ کی عوام پر جتنا پیسہ لگانا ہوگا، ہم لگائیں گے ، کل بجٹ میں دیکھ لیں گے آپ نے 13 سال میں کیا گل کھلائیں ہیں۔