وزیراعظم عمران خان نےاحساس سیلانی لنگراسکیم کاافتتاح کردیا۔

تفصیلات کے مطابق وفاقی دارالحکومت میں وزیراعظم نے احساس سیلانی لنگراسکیم پروگرام کاافتتاح کیاہے جس کے تحت نادراور ضروت مندافراد کومفت کھانے کی سہولت فراہم کی جائے گی۔

اسکیم کے افتتاح کے موقع پروزیراعظم عمران خان نےاحساس سیلانی لنگر خانے میں خود بھی کھانا کھایا۔

اس موقع پر وزیراعظم کی معاون خصوصی ثانیہ نشتر کا کہناہے کہ حکومت کی جانب سے نادر اور ضروتمند افراد کیلئےاسلام آباد سے شروع کی جانے والی اس اسکیم کوملک بھر میں پھیلایا جائے گا۔

انہوں نےکہا کہ وزیراعظم ضروتمندوں کیلئے خاص احساس رکھتے ہیں، وفاقی حکومت سیلانی ٹرسٹ کے تعاون سےپورے ملک میں مستحقین کیلئے پناہ گاہیں بنائی جارہی ہیں اور اس سلسلے میں سیلانی ٹرسٹ کے ساتھ مل کر اگلے سال 112 پناہ گاہیں بنائی جائیں گی۔

معاون خصوصی نے کہا کہ لنگر اسکیم حکومت  کےسماجی و فلاحی بہبودکے جامع پروگرام احساس کااہم جزوہے،اسلام آباد میں حکومت کے احساس سیلانی لنگر پروگرام کے تحت روزانہ 500افراد کومفت کھاناکھلایاجائے گا۔ اس وقت سیلانی ٹرسٹ کے ساتھ ساڑھے تین ہزارافراد کام کر رہے ہیں۔

ڈاکٹر ثانیہ نشترنے کہاکہ وزیراعظم نے حکم دیا کہ کوئی کھلے آسمان تلے اوربھوکا نہ سوئے، وزیراعظم عمران خان عوام کی مشکلات کا احساس رکھتے ہیں۔

ڈاکٹر ثانیہ نشتر نے کہا کہ حکومتی اسکیم سےبننے والایہ لنگرخانہ صرف10دن میں تیارکیاگیا ہے، وزیراعظم کی ہدایت ہے کہ لنگرخانوں میں معیاری کھانا فراہم کیاجائے۔

اس موقع پروزیراعظم عمران خان کاکہناتھا کہ احساس پروگرام غربت کم کرنے کا پروگرام ہے۔ احساس پروگرام کے تحت پورے کوشش کریں گے لوگ بھوکے نہ رہیں۔

وزیراعظم کا کہناتھاکہ احساس پروگرام کے تحت پہلے فیز میں 112لنگر تقسیم کیے جائیں گے۔انہون نے کہا کہ شوکت خانم بنانےکا کام شروع کیاتوخوش قسمتی سےاچھےلوگوں سے واسطہ پڑا۔

وزیراعظم کاکہناتھاکہ پوری کوشش کررہے ہیں کہ کاروباری طبقے کو فائدہ ہو، نیا پاکستان فلاحی ریاست ہوگی۔