صوبائی وزیر فیاض الحسن چوہان کا کہنا ہے کہ مولانا فضل الرحمن اصول کے نام پر وصولی کی سیاست کرتے ہیں۔

صوبائی وزیر فیاض الحسن چوہان نے پریس کانفرنس کرتے ہوئے کہا ہے کہ مولانا فضل الرحمن فوری طورپر اپنا لانگ مارچ معطل کریں اس سے ملک کی معیشت کا استحصال ہوا ہے اور ہم معیشت کو بحال کررہے ہیں۔

انکا کہنا تھا کہ پیپلزپارٹی اور ن لیگ مولانا فضل الرحمن کو استعمال کررہے ہیں، پیسے کے لئے اور دونوں اپنے ابو کو بچانے کےلئے لانگ مارچ نکال رہے ہیں اور کہا کہ مولانا فضل الرحمن جب سے فارغ ہوئے زرداری اور نواز شریف کے پیغامات پہنچانے کا کام کررہے ہیں عمران خان کے ساتھ عداوت و حسد کی وجہ سے کام پر لگے ہوئے ہیں۔

فیاض الحسن چوہان نے کہا کہ مولانا فضل الرحمن اپنے عزائم میں کامیاب نہیں ہوں گے اور یہ لانگ مارچ نہیں ہوگا۔

دوسری جانب صوبائی وزیر نے عمران خان کے کشمیر سے متعلق بات کرنے پر کہا کہ کشمیر کی سیاسی و سفارتی جنگ عروج پر ہے عمران خان مثبت انداز میں قومی و ملکی سطح پر مسئلہ کشمیر کو اجاگر کیا اور عمران خان کی حکومت جان جوکھوں میں ڈال کر محنت کررہے ہیں اس موقع پر فضل الرحمن نے لانگ مارچ کا ناموس رسالت اور آزادی مارچ نام رکھا ہے۔

انہوں نے کہا کہ عمران خان اقوام متحدہ میں پہلے اور آخری لیڈر ہیں جنہوں نے تمام ممالک کے لیڈروں کی آنکھوں میں آنکھیں ڈال کر ناموس رسالت پر بات کی اور بھارتی وزیر اعظم  نریندر مودی کا بھیانک چہرہ دنیا کے سامنے بے نقاب کیا ہے۔