وزیر اعظم آزاد کشمیر راجہ فاروق حیدر خان نے کہا ہے کہ عمران خان کو نہ الیکشن چوری کرنے دیں گے نہ ہی بدمعاشی کرنے دیں گے۔
تفصیلات کے مطابق وزیر اعظم آزاد کشمیر راجہ فاروق حیدر خان نے مظفر آباد میں میڈیا سے گفتگو کرتے ہوئے کہا کہ ریاست کا فیصلہ رائے شماری کے ذریعہ ہوگا تو تسلیم کیا جائے گا۔
وزیر اعظم آزاد کشمیر نے کہا کہ لوگوں کو لڑانے کی کوشش کی گئی، دوران احتجاج انڈے ٹماٹر تو استعمال ہوتے ہیں جواب میں فائرنگ سمجھ سے باہر ہے۔
راجہ فاروق حیدر خان نے یہ بھی کہا کہ آزادکشمیر کو مذاق بنایا ہوا ہے، کیا یہ بنی گالہ ہے جو چاہیں آپ یہاں کریں۔ عمران خان کو نہ الیکشن چوری کرنے دیں گے نہ ہی بدمعاشی کرنے دیں گے۔
وزیر اعظم آزاد کشمیر راجہ فاروق حیدر خان نے مزید کہا کہ علی امین گنڈاپور سے کوئی ذاتی جھگڑا نہیں ہے، اپنا مقدمہ پاکستانی عوام کے سامنے پیش کروں گا،کیا یہ وزیراعظم پاکستان ہیں جوآزاد کشمیر کا آئین پامال کررہے ہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
