وزیراعظم عمران خان ایران کے ایک روزہ دورہ مکمل کرنے کے بعد وطن روانہ ہوگئے ہیں۔

تفصیلات کت مطابق ایرانی وزیر خارجہ جواد ظریف نے وزیراعظم عمران خان کو تہران ایئرپورٹ پررخصت کیا۔

یاد رہےکی وزیراعظم عمران خان نےایران کے دورے میں صدر حسن روحانی ،سپریم لیڈر آیت اللہ علی خامنہ ای اور جواد ظریف سے ملاقاتیں کی تھی۔

عمران خان نے مقبوضہ کشمیر پر ایرانی قیادت کے موقف کو سراہا اور کہا کہ بھارت کے 5 اگست کے غیر قانونی و یکطرفہ اقدامات سے خطے میں امن و سلامتی کو شدید خطرات لاحق ہیں۔

عمران خان نے ایرانی صدرحسن روحانی سے ملاقات کے دوران باہمی دلچسپی کے امور اور خطے کے سکیورٹی کے معاملات پر تبادلہ خیال کیا جبکہ دونوں رہنماوں کے مابین باہمی تعلقات بڑھانے اور تجارت سمیت دیگر امور زیرغورآئے۔

اس موقع پروزیراعظم کا کہنا تھا کہ مسلم امہ کو داخلی و خارجی طور پر متعدد مسائل کا سامنا ہے، مسلم اقوام کے درمیان اتحاد اور یکجہتی کا پیغام پہنچانا انتہائی اہمیت کا حامل ہے۔

ملاقات میں شاہ محمود قریشی اور زولفقار بخاری بھی وزیراعظم عمران خان کے ہمراہ موجود تھے۔

واضح رہے کہ وزیراعظم عمران خان ایک رو زہ دورے پر آج تہران پہنچے تو ایرانی وزیرخارجہ جواد ظریف نے ائیرپورٹ پر ان کا استقبال کیا تھا اور  یہ وزیر اعظم کا دوسرا دورہ ایران ہے، اس سے قبل وزیراعظم رواں سال اپریل میں بھی ہمسائے ملک کا دورہ کر چکے ہیں جبکہ وزیراعظم عمران خان ایران سے وطن واپسی کے بعد منگل کو سعودی عرب کا دورہ کریں گے۔