بڑی عمر کے لوگوں کو کمر کا درد ہونا ایک عام سی بات ہے مگر آج کل نوجوان بھی اس بیماری میں تیزی سے مبتلا ہورہے ہیں اور اس کی بڑی وجہ زیادہ دیر تک بیٹھنا ہی ہے۔
کمر کا درد ہو جانے کی صورت میں انسان اٹھنے بیٹھنے اور چلنے پھرنے میں بھی دقت محسوس کرتا ہے۔
کمر کا درد شکار وہ افراد جلدی ہوتے ہیں جو زیادہ دیر بیٹھ کر کرسی پر کام کرتے ہیں۔
اس کے علاوہ ایسے افراد جن میں یورک ایسڈ کی زیادتی ہو انہیں بھی کمر درد کی تکلیف ہو سکتی ہے۔
ایسے افراد جن کے کمر کے مہروں میں خلا آ جائے انہیں بھی یہ تکلیف ہو جاتی ہے۔
ماہرین کے مطابق 3 ہفتوں کی مسلسل کوشش کر کے اگر اٹھنے اور بیٹھنے کا درست انداز اختیار کرلیا جائے تو یہ عادت بن جاتی ہے جس کے بعد درد خود بہ خود ہی ختم یا پھر کم ہوسکتا ہے۔
لیکن آج ہم ایسی غذاؤں کے حوالے سے بات کریں گے جن کی مدد سے کمر کے درد سے نجات حاصل کی جاسکتی ہے۔
1 ۔ دودھ:
دودھ میں قدرتی طور پر کیلشیم کی وافر مقدار پائی جاتی ہے جو کہ ہماری ہڈیوں کے لئے بے حد مفید ثابت ہوتی ہے۔
اگر دودھ کو ہم اپنی روز مرہ زندگی کا حصہ بنالیں تو ہم کمر کے درد سے جلد ہی نجات حاصل کر سکتے ہیں۔
2۔ لہسن:
لہسن میں قدرتی طور پر وہ تاثیر پائی جاتی ہے جس کی مدد سے انسان جسم کے درد سے نجات حاصل کرسکتا ہے ۔
کمر کے درد سے نجات کے لئے لہسن کا استعمال بہت ہی آسان ہے ۔
اس کے لئے روزانہ صبح نہار منہ دو سے تین لہسن کے جوے کھالیں، اس کے علاوہ آپ لہسن کے تیل سے متاثرہ جگہ پر مساج بھی کرسکتے ہیں۔
3۔ ادرک:
ادرک میں وہ قدرتی تاثیر موجود ہے جو انسانی جسم سے متعلق کافی بیماریوں کے علاج کے لئے قابل استعمال ہے۔
ادرک کے چند ٹکڑوں کو باریک کاٹ کر دس سے پندرہ منٹ تک اُبال لیں اور پھر بغیر فریج کے ٹھنڈا کرلیں پھر اس میں ایک کھانے کا چمچہ شہد شامل کرکے پی لیں ۔
4۔ خشخاش:
خشخاش کے پیج کمر کے درد میں آرام لانے کے لئے حیرت انگیز کام کرتے ہیں، اسے آپ جادوئی طریقہ علاج بھی کہہ سکتے ہیں اس کے لئے سو گرام خشخاش اور مصری کو ملاکر گرائنڈر میں اچھی طرح پیس لیں خشخاش اور مصری کا پاؤڈر دو چائے کا چمچہ روزانہ ایک گلاس دودھ کے ساتھ پی لیں۔
5۔ تلسی کے پتے:
ایک کپ پانی میں آٹھ سے دس تلسی کے پتے شامل کرکے اتنی دیر تک ابالیں کہ پانی آدھا کپ رہ جائے ۔اس پانی کو کمرے کے درجہ حرارت میں ہی ٹھنڈا ہونے کے لیے رکھ دیں۔ جب ٹھنڈا ہوجائے تو اس میں ایک چٹکی نمک شامل کردیں ۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News