بدقسمتی ہے جس شہر نے وزیراعظم کو منتخب کیا وہاں وہ 3 گھنٹے کے لئے آتے ہیں، مرتضیٰ وہاب

تنزیلہ قریشی

11th Aug, 2021. 05:45 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بدقسمتی ہے جس شہر نے وزیراعظم کو منتخب کیا وہاں وہ 3 گھنٹے کے لئے آتے ہیں، مرتضیٰ وہاب

کراچی کی بہتری کیلئے کام کرتے رہیں گے، میئرکراچی

سندھ حکومت کے ترجمان اور ایڈمنسٹریٹر کراچی مرتضیٰ وہاب نے کہا ہے کہ بد قسمتی ہے کہ جس شہر نے وزیراعظم کو منتخب کیا وہاں وہ صرف 3 گھنٹے کے لئے آتے ہیں۔

تفصیلات کے مطابق مرتضیٰ وہاب نے باغ ابن قاسم میں میڈیا سے غیر رسمی گفتگو کرتے ہوئے کہا کہ وزیراعظم عمران خان کو کراچی میں کچھ گھنٹے نہیں بلکہ کچھ دن گزارنے چاہئیں۔

انہوں نے کہا کہ عمران خان کو کراچی کے مسائل کے حوالے سے بریفنگ سے باہر آنا چاہیئے، کراچی کے اسٹیک ہولڈرز کے ساتھ مشاورت ہونی چاہئے تاکہ مسائل حل ہو سکیں۔

ایڈمنسٹریٹر کراچی نے یہ بھی کہا کہ کراچی وزیراعظم کی ترجیحات میں شامل نہیں ہے، کراچی والوں اور سندھ سے جو وعدے کیئے تھے اس پر کچھ ہوتا نظر نہیں آرہا۔

سندھ حکومت کے ترجمان اور ایڈمنسٹریٹر کراچی مرتضیٰ وہاب نے مزید کہا کہ وفاق صرف باتوں سے سندھ کو فتح کر سکتا ہے، سندھ کے مسائل حل کرنے کی انکی نیت نہیں ہے۔