پاکستانی ڈراموں کی اداکارہ نمرہ خان کے شوہر نے گزشتہ روز اس بات کی تصدیق کی ہے کہ نمرہ خان اور ان کے درمیان طلاق ہوگئی ہے۔
اداکارہ نمرہ خان کے سابق شوہر راجہ اعظم کی ایک چیٹ ویڈیو یوٹیوب پر منظر عام پر آئی ہے جہاں انہوں نے واضح الفاظ میں اپنی طلاق کے بارے میں بتایا تھا۔
راجہ اعظم نے کہا کہ ہاں ہم طلاق یافتہ ہیں ، ہم طلاق یافتہ ہیں، میں نے اسے طلاق دی کیونکہ میں یہی چاہتا تھا،میں نے اس سے چھٹکارا پایا ، وہ سر کا درد تھیں۔
سابق شوہر راجہ اعظم کے اس انکشاف کے بعد اداکارہ نمرہ خان پر لوگوں نے تنقید شروع کردی اور اس رشتے کے ختم ہونے کا ذمہ دار بھی نمرہ خان کو ٹھہرایا جارہا ہے۔
ایسی صورتحال میں سوشل میڈیا اسٹار متھیرا کی جانب سے اداکارہ نمرہ خان کے حق میں آواز بلند کی گئی ہے۔
سوشل میڈیا اسٹار متھیرا نے کہا ہے کہ چاہے کوئی بھی صورتحال ہو یا کچھ بھی ہوجائے ہمیشہ عورت کو ہی الزام دیا جاتا ہے۔
متھیرا نے مزید کہا ہے کہ اداکارہ نمرہ خان کے ساتھ جو ہوا وہ بہت دکھ کی بات ہے لیکن ایسے میں صرف عورت کو الزام دینا ٹھیک بات نہیں ہے۔
متھیرا کا کہنا تھا کہ اداکارہ نمرہ اور اور ان کی ازدواجی زندگی کی صورتحال کو وہ بہتر طرح سے جانتی ہیں اور یہ ان کا اپنا ذاتی معاملہ ہے عوام کو اس میں دخل اندازی کرنے کی ضرورت نہیں ہے۔
متھیرا نے اپنے خیالات کا اظہار کرتے ہوئے کہا ہے کہ ہمارا یہ معاشرہ ہر طرح کی صورتحال میں ایک عورت کو ہی قصوروار مانتا ہے چاہے نقصان اس صورت میں عورت کا ہی کیوں نا ہوا ہو لیکن غلطی بھی صرف عورت کی ہی ہوتی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News