لاہور ہائیکورٹ میں تعلیمی اداروں میں منشیات کےاستعمال سے متعلق سماعت ہوئی ہے جس میں عدالت نےآئندہ سماعت پر چیف سیکرٹری پنجاب کو طلب کرلیاہے۔

تفصیلات کے مطابق لاہور ہائیکورٹ کے جج جسٹں شاہد جمیل نےتعلیمی اداروں میں منشیات کے استعمال سمیت مختلف درخواستوں پر سماعت کی۔

کمرہ عدالت میں سماعت کے دوران جج کی جانب سے ریمارکس دیے گئے کہ تعلیی اداروں میں منشیات کی روک تھام کیلئے اقدامات نہیں کئےگئے، منشیات کیخلاف ذمہ داری کا احساس نہ کرنیوالا سیٹ پرنہیں رہےگا۔

جسٹس شاہدجمیل کاریمارکس دیتے ہوئے کہناتھاکہ انتہائی اہم معاملہ ہے،بچے ہمارا مستقبل ہیں،لگتا ہے کسی نےمعاملے کو سنجیدہ نہیں لیا۔

جج نے ریمارکس دیتے ہوئے مزید کہا کہ جولائی سے اکتوبر آگیا ابھی تک کسی نے کچھ کیا ہی نہیں صرف باتیں ہوتی رہیں، بتائیں رزلٹ کیا ہے۔

عدالت میں انسداد منشیات مہم کے کنسلٹنٹ سید ذوالفقار سمیت دیگرپیش ہوئے۔

واضح رہے کہ لاہور پولیس تعلیمی اداروں اورگردونواح میں منشیات فروشوں کے خلاف سرگرم ہے۔ گزشتہ روز کریک ڈاون کےدوران ابتک493 منشیات فروشوں کوپولیس نے تحویل میں لے کر 477مقدمات درج کئےہیں ۔

منشیات فروشوں کےخلاف کارروائی کےدوران سٹی ڈویژن نے118، کینٹ ڈویژن 99، سول لائن ڈویژن41، صدر ڈویژن113، اقبال ٹائون ڈویژن49جبکہ ماڈل ٹائون ڈویژن نی73ملزمان کو تحویل میں لے لیا۔

پولیس کی جانب سے تحویل میں لیے گئے ملزمان کے قبضہ سی208کلوگرام سے زائد چرس ،1240نشہ آور کیپسول،64.5 گرام آئس،

573گرام ہیروئن، 21کلوگرام سے زائد افیون،09کلوگرام سے زائد بھنگ اور04ہزار لیٹرشراب بھی برآمدکی گئی۔

اس موقع پر لاہور کےڈی آئی جی آپریشنزاشفاق خان کاکہناتھاکہ طلبا و طالبات کومنشیات جیسی لعنت سے محفوظ رکھنا ہم سب کی مشترکہ ذمہ داری ہے۔ اس سلسلے میں تعلیمی اداروں کے گردمنشیات فروخت کرنے والوں کے خلاف بھرپور اقدامات عمل میں لائے گئے ہیں۔

ڈی آئی جی آپریشنز لاہورکاکہناتھا کہ لاہور سے منشیات فروشی کا خاتمہ کرکےتعلیمی اداروں کومنشیات  کی لعنت سے پاک کریں گے اورقوم کا مستقبل محفوظ بنائیں گے۔