کابل سے شہریوں کے انخلاء میں پاکستانی اقدامات کو عالمی میڈیا پر سراہا جارہا ہے۔

تفصیلات کے مطابق وزارت اطلاعات و نشریات کابل میں پاکستانی سفارت خانے اور پاکستان انٹرنیشنل ایئر لائن افغان باشندوں اور دیگر افراد کو سہولت فراہم کر رہے ہیں۔

افغانستان میں پاکستانی سفارت خانہ بدستور کھلا ہے اور ترجیحی بنیادوں پر ویزے جاری کئے جا رہے ہیں۔

افغانستان سے شہریوں بالخصوص غیر ملکی اداروں اور انٹرنیشنل میڈیا کے لئے کام کرنے والے افراد کو انخلاء میں سہولت فراہم کرنے کے لئے وزارت اطلاعات و نشریات، پاکستان انٹرنیشنل ایئر لائن (پی آئی اے) اور کابل میں پاکستانی سفارت خانہ کی کاوشوں کو عالمی میڈیا پر بھی پذیرائی مل رہی ہے۔

سی این این کی رپورٹ کے مطابق اس صورتحال میں پاکستانی سفارت خانہ بدستور کام جاری رکھے ہوئے ہے، موجودہ صورتحال کے پیشِ نظر چمن اور طورخم کی سرحدیں جو ابتدائی طور پر بند کر دی گئی تھیں ان  کو دوبارہ کھول دیا گیا ہے۔

تمام بین الاقوامی ادارے، سفارت کاروں، تنظیموں اور میڈیا نمائندوں کی افغانستان سے بحفاظت انخلاءاور وطن واپسی کے لئے پاکستانی سفارت خانہ کی جانب سے سہولیات مہیا کی جا رہی ہیں۔

وزارت اطلاعات نے کابل میں پاکستانی سفارت خانہ غیر ملکی اداروں اور انٹرنیشنل میڈیا اداروں میں کام کرنے والے افغان اور دیگر شہریوں کو ترجیحی بنیادوں پر ویزے دے رہا ہے، پی آئی اے کے ذریعے انہیں ملک سے نکالنے میں مدد فراہم کی جا رہی ہے۔

پی آئی اے نے 1100 سے زائد افراد کو افغانستان سے بحفاظت نکالا ہے تاہم کابل ایئر پورٹ سے ملنے والی اطلاعات کے مطابق کابل میں ملک چھوڑنے کے خواہش مند افراد کافی تعداد میں موجود ہیں۔