شکست کا خوف ہٹا کر کھیلنے کو ترجیح دیں گے، ٹیسٹ کپتان

اعجاز وسیم باکھری

18th Oct, 2019. 08:18 pm
شيئر
- Font size
  - Small
  - Medium
  - Large
- Dark Mode
- Save
- Print
- 0
  Comments

آرٹیکلز

Now Reading:

شکست کا خوف ہٹا کر کھیلنے کو ترجیح دیں گے، ٹیسٹ کپتان

قومی ٹیسٹ کرکٹ ٹیم کے کپتان اظہر علی کا کہنا ہے کہ شکست کا خوف ہٹا کر کھیلنے کو ترجیح دیں گے ۔

قومی ٹیسٹ ٹیم کے کپتان منتخب ہونے کے بعد پریس کانفرنس کرتے ہوئے اظہر علی کا کہنا تھا کہ ٹیسٹ ٹیم کی کپتانی کرنا میرے لیے خوشی اور فخر کی بات ہے ۔ میرے لیے یہ ذمہ داری کسی چینلج سے کم نہیں ہے۔

اظہرعلی نے کہا کہ میں سرفراز احمد کا شکریہ ادا کرنا چاہتا ہوں۔میری سرفراز احمد سے بات بھی ہوئی ہے، میری سپورٹ اس کے ساتھ ہے۔

انہوں نے کہا کہ انسان وقت کے ساتھ سیکھتا ہے ،میں اب 34 سال کا ہوں اور بہت کچھ سیکھ چکا ہوں۔میں اب مختلف کپتان نظر آؤں گا۔

قومی ٹیسٹ کپتان نے کہا کہ لوگوں کی رائے آپ کے بارے مختلف ہوتی ہے، میں مثبت رہنا پسند کرتا ہوں۔ میرے لیے موقع ہے میں اپنی قیادت کی لیگیسی چھوڑ کر جاؤں۔

آسٹریلیا دورے کے حوالے سے ان کا کہنا تھا کہ آسٹریلیا کا دورہ ہمیشہ مشکل رہاہے، ہم مثبت کرکٹ کھیل کر ہی آسٹریلیا کو ہرا سکتے ہیں۔ ہم لوگ جارحانہ انداز میں کھیل کر ہی آسٹریلیا کو ہرا سکتے ہیں۔

اظہر علی نے کہا کہ ہم شکست کا خوف ہٹا کر کھیلنے کو ترجیح دیں گے ، ہمیں پریشر میں اچھا کھیلنے کی ضرورت ہے۔عامر اور وہاب کی غیر موجودگی میں یہ ایک مشکل دورہ ثابت ہوگا ۔