اداکارہ انجلینا جولی سوشل میڈیا پر آتے ہی مقبول ہوگئیں

کلثوم ہرا

23rd Aug, 2021. 06:49 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اداکارہ انجلینا جولی سوشل میڈیا پر آتے ہی مقبول ہوگئیں

عالمی شہرت یافتہ ہالی ووڈ اداکارہ اور اقوام متحدہ کی خصوصی سفیر انجلینا جولی جنہوں نے فلمی دنیا میں اپنی شاندار اداکاری سے اور اپنے فلاحی کاموں سے کروڑوں لوگوں کے دلوں میں جگہ بنائی ہے، سوشل میڈیا پر آتے ہی مقبول ہوگئی۔

انجلینا جولی نے تین روز پہلے ہی افغان شہریوں کی آواز دنیا تک پہنچانے کے لئے سوشل میڈیا سائٹ انسٹاگرام پر اپنا آفیشل اکاؤنٹ بنایا اور صرف تین روز میں ان کے انسٹا فالوورز کی تعداد 7.6ملین تک پہنچ گئی ہے۔

خیال رہے کہ اداکارہ نے اپنی پہلی انسٹا گرام پوسٹ میں ایک افغان لڑکی کاخط شیئر کرتے ہوئے بتایا تھا کہ یہ ایک خط ہے جو مجھے افغانستان کی ایک نوعمر لڑکی نے بھیجا تھا۔

اداکارہ نے مزید لکھا کہ اس وقت افغانستان کے لوگ سوشل میڈیا پر بات چیت کرنے اور آزادانہ طور پر اظہارِ خیال کرنے کا حق کھو رہے ہیں لہٰذا ،میں انسٹاگرام پر ان کی آواز دنیا تک پہنچانے آئی ہوں جو اس وقت اپنے بنیادی انسانی حقوق کے لئے لڑ رہے ہیں۔

اس کے علاوہ انہوں نے اپنی انسٹا اسٹوری پر امریکی جریدے کے لئے لکھے ہوئے ایک آرٹیکل کا لنک بھی شیئر کیا تھا جس میں انہوں نے افغانستان میں امریکا کی شکست کے بعد افغان شہریوں کے لئے فکرمندی اور اپنے امریکی ہونے پر شرمندگی کا اظہار کیا تھا۔