اقوام متحدہ کا کہنا ہے کہ افغانستان میں رواں برس جنوری سے ستمبر کے دوران مختلف واقعات میں 2 ہزار 563 شہری ہلاک ہوئے۔

غیر ملکی ذرائع ابلاغ کی رپورٹ کے مطابق اقوام متحدہ کے ذیلی ادارے (یو این اے ایم اے)نے افغانستان میں رواں سال ہلاک  شہریوں کی تعداد سے متعلق اعداد وشمارجاری کئےہیں ۔

اقوام متحدہ کی جانب سے اعداد وشمارمیں ہولناک انکشافات کیے گئے ہیںْ۔

اقوام متحدہ  کہ جاری کردہ رپورٹ کے مطابق رواں برس جنوری سے ستمبر کے دوران مختلف واقعات میں خواتین اور بچوں سمیت 2  ہزار 563 شہری ہلاک ہوئے ہیں ۔ جن میں سے 261 خواتین اور 631 بچے شامل ہیں۔

اقوام متحدہ کے معاون مشن برائے افغانستان (یو این اے ایم اے) کی رپورٹ کامزید کہنا تھا کہ    رواں سال  ہلاکتوں کی تعداد 2014 کے بعد 9 ماہ میں ہلاکتوں کی سب سے بڑی تعداد ہے۔

اقوام متحدہ کے معاون مشن برائے افغانستان (یو این اے ایم اے) کی رپورٹ میں مزید کہا گیا ہے کہ رواں برس کے 9 ماہ کے دوران دہشت گردی اور جھڑپوں کے واقعات میں 5 ہزار 676 افراد زخمی ہوئے جن میں 662 خواتین اور 18 سو 36 بچے شامل ہیں۔

 واضح  رہے کہ گزشتہ ہفتے افغانستان کے صوبے ننگرہارمیں جمعے کی نماز کے دوران  مسجد میں  دھماکہ ہوا تھا جس کے نتیجے میں  62 شہری  جاں  بحق  جبکہ 100 سے زائد نمازی زخمی ہوگئےتھے۔