امریکی وزیر دفاع مارک ایسپر نے سماجی رابطے کی ویب سائٹ ٹویٹر پر اپنے ایک ٹویٹ میں کہا ہے کہ ان کی سعودی ولی عہد شہزادہ محمد بن سلمان کے ساتھ انتہائی نتیجہ خیز ملاقات ہوئی ہے۔

عرب میڈٰیا کی رپورٹ کے مطابق امریکی وزیر دفاع ایسبر نے کہا کہ اس ملاقات میں خطے کو عدم استحکام سے دوچار کرنے کی ایرانی سرگرمیوں پر بات چیت کی گئی۔ ایران کی طرف سے لاحق خطرات سے نمٹنے کے لیے امریکا سعودی عرب کی امداد کا پابند ہے۔

رپورٹ کے مطابق امریکی وزیر دفاع نے سعودی ولی عہد شہزادہ محمد بن سلمان بن عبد العزیز کل منگل کو ان کے دفتر میں ملاقات کی۔

امریکی وزیر دفاع مارک ایسپر اور سعودی ولی عہد شہزادہ محمد بن سلمان ملاقات کے دوران دونوں دوست ممالک کے مابین دوطرفہ تعلقات اور فوجی اور دفاعی پہلو سے متعلق تعاون کے شعبوں کے علاوہ ، متعدد امور بالخصوص علاقائی اور بین الاقوامی واقعات پر ہونے والی پیش رفت اور دونوں ملکوں میں ہم آہنگی کا جائزہ لیا۔

اس سے امریکی وزیر دفاع مارک ایسپر نے خادم الحرمین الشریفین شاہ سلمان بن عبد العزیز آل سعود سے ان کے دفتر میں ملاقات کی تھی۔ اس ملاقات میں بھی دونوں رہ نمائوں نے سعودی امریکا دوستی اور اسٹریٹجک تعاون کے پہلوؤں کا جائزہ لیا۔

اس سے قبل خادم حرمین شریفین شاہ سلمان بن عبدالعزیز سے بھی امریکی وزیر دفاع نے ملاقات کی تھی۔

ملاقات کے دوران امریکہ اور سعودی عرب کے دوستانہ تعلقات اور دونوں ملکوں کے درمیان اسٹریٹجک تعاون کے پہلووں کا جائزہ لیا گیا تھا۔ دونوں رہنماﺅں کے درمیان مشترکہ سیکیورٹی اور دفاعی امور،خطے کی حالیہ صورتحال اور اس سلسلے میں کی جانے والی کو شش بھی زیر بحث آئیں۔

اس موقع پر وزیر داخلہ شہزادہ عبد العزیز بن سعود، نائب وزیر دفاع شہزادہ خالد بن سلمان،کابینہ کے رکن اور قومی سلامتی کے مشیر ڈاکٹر موسیٰ اور وزیرخارجہ ڈاکٹر ابراہیم بن عبد العزیز العساف بھی موجود تھے۔