بیلجیم کےدارالحکومت برسلزمیں افغان امن عمل پرہونےوالےاجلاس کاامریکااوریورپ کا مشترکہ اعلامیہ جاری کردیا گیاہے۔ اجلاس میں یورپی یونین، امریکہ کے خصوصی نمائندوں سمیت فرانس، برطانیہ، جرمنی، اٹلی، ناروے، اقوام متحدہ کے نمائندوں نے شرکت کی۔

غیرملکی خبررساں  ادارے کےمطابق  افغان امن عمل پر یورپ،امریکاکا کامشترکہ اعلامیہ برسلز میں اہم اجلاس کے بعد جاری کیا گیا۔

مشترکہ اعلامیے میں کہا گیاہےکہ افغان عوام کےدیرپا امن، جنگ کے خاتمے کے مطالبے کو تسلیم کیاجائے۔ افغانستان کے معاملے کااز سر نو جائزہ کیا جائے۔افغانستان کا معاملہ سیاسی کوششوں سے حل کیا جائے۔

 مشترکہ اعلامیےمیں امن معاہدے کیلئے افغان حکومت، طالبان، سول سوسائٹی کے ساتھ مل کر کام کرنے کےعزم کااظہارکیاگیا۔اور پرتشدد واقعات کے خاتمے کیلئے تمام فریقین سے فوری اقدامات کرنے کی درخواست بھی کی گئی ۔

افغانستان میں حالیہ انتخابات  کے حوالے سےاعلامیے میں کہاگیا کہ انتخابات میں حصہ لینے پرووٹرز،انتخابی عملے،سیکورٹی فورسز،مبصرین کےکردارکوسراہا گیا۔

مشترکہ اعلامیہ میں افغانیوں  کی رائےکااحترام کرنے پرزوردیتے ہوئےکہا کہ مشترکہ امن معاہدے کیلئےتمام افغانیوں کی رائے کااحترام کیا جائے۔

یورپ اورامریکا کےمشترکہ اعلامیےمیں کہناتھاکہ افغان حکومت طالبان سے مذاکرات کیلئےٹیم تشکیل دے۔مذاکرات کےدوران افغانستان میں سیزفائرکیاجائے۔ ایسا امن معاہدہ ہو جو تمام افغانیوں کے حقوق کی حفاظت کرے ۔

افغانستان میں عسکریت  پسندوں اورطالبان کے حوالے سے مشترکہ اعلامیے میں کہا گیا کہ  طالبان اوردیگرگروہ اس بات کویقینی بنائیں کہ کوئی دہشت گرد گروہ  بین القوامی سطح پر حملوں کےلئےافغانستان کی سرزمین استعمال نہیں کرےگا۔طالبان کوالقائدہ دیگر شدت پسند گروہوں سےتعلق ختم کرناہوں گے،اس کے ساتھ ساتھ غیرقانونی منشیات کی پیداوار،سمگلنگ کوبھی روکناہوگا۔ جبکہ  افغان حکومت کو بھی کرپشن کیخلاف کاروائی اورگورننس بہترکرنا ہوگی۔

مشترکہ اعلامیےمیں انٹراافغان امن اجلاس کےانعقادپر قطر اورجرمنی کومبارکبادپیش کی گئی ۔ مشترکہ اعلامیے میں  افغان امن عمل کیلئے عالمی برادری کی کوششوں کوبھی سراہاگیا ۔