راناثناء اللہ کی گرفتاری،14روزہ جوڈیشل ریمانڈ،(ن) لیگی کارکنان آپےسےباہر

عمر اللہ حسینی

02nd Jul, 2019. 07:48 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

راناثناء اللہ کی گرفتاری،14روزہ جوڈیشل ریمانڈ،(ن) لیگی کارکنان آپےسےباہر

فیصل آباد میں رانا ثناء اللہ کی گرفتاری کےخلاف مسلم لیگ نواز کے کارکنان آپے سے باہرہوگئے۔

تفصیلات کےمطابق (ن) لیگی کارکنان نےسابق وزیر قانون پنجاب کی گرفتاری کیخلاف احتجاج کرتے ہوئے سڑکیں بلاک کردیں۔

مظاہرین نے سڑکوں پرٹائر جلائے اور شدید نعرے بازی کی۔ جس کے بعد پولیس نے کارروائی کرتے ہوئے مشتعل کارکنان کو گرفتار کرلیا۔

گزشتہ روز فیصل آباد میں پولیس نے راناثناء اللہ کے ڈیرے پر بھی چھاپہ مارا۔ سابق وزیر قانون پنجاب کے داماد احمد شہریار کی جانب سے الزام لگایا گیا کہ پولیس نےشواہد کے بغیرسو سے زائد کارکنوں کوحراست میں لیا۔

دوسری جانب اے این ایف حکام کاکہناتھا کہ راناثنااللہ کی گاڑی سے بھاری مقدار میں منشیات برآمد ہوئی اور ان کو منشیات فروشوں سے روابط کے الزام میں حراست میں لیاگیا۔جس کے بعد اے این ایف کی جانب سےرانا ثناءاللہ کو ضلع کچہری میں جوڈیشل مجسٹریٹ احمد وقاص کی عدالت کے سامنے پیش کیا گیا۔

رانا ثناءاللہ کو ہیروئن برآمدگی کے الزام میں حراست کےبعد 14 روزہ ریمانڈ پر جیل بھیج دیا گیا۔