وزیرریلوے شیخ رشید نے کہا ہے کہ ایم ایل ون منصوبے سے سی پیک اور ملکی معیشت کو مظبوطی ملے گی۔

تفصیلات کے مطابق وزیرریلوے شیخ رشید نے وزیر اعظم عمران خان سے ملاقات کے بعد اپنے ایک ویڈیو پیغام میں کہا ہے کہ وزیر اعظم نے ایم ایل ون منصوبے کو جلد از جلد مکمل کرنے کی ہدایت کی ہے کیونکہ اس منصوبےسے سی پیک اور ملکی معیشت کو مظبوطی ملے گی۔

شیخ رشید کا کہنا تھا کہ ایم ایل ون کا پی سی ون پلاننگ منسٹری کو بھجوا دیا ہے، چودہ سال بعد اٹھارہ سو کلومیٹر کا نو ارب ڈالر سے زائد کا ٹریک بنایا جارہا ہے۔

وزیرریلوے کا یہ بھی کہنا تھا کہ کل پانچ بجے حکومتی اور رہبر کمیٹی کا اجلاس ہے،اجلاس کے بعد آزادی مارچ کے حوالے سے لائحہ عمل طے ہوگا جبکہ پریڈ گراونڈ میں اپوزیشن کے کو آنے یا نہ آنے کی اجازت کل اجلاس کے بعد دی جائے گی۔

وزیرریلوے شیخ رشید کا مزید کہنا تھا کہ وزیر اعظم عمران خان نواز شریف کی صحت کیلئے دعا گو ہیں، وزیر اعظم نے نواز شریف کو ہر ممکن طبی سہولت فراہم کرنے کی ہدایت وزیر اعلی پنجاب کو کی ہے۔

یاد رہے کہ وزیراعظم عمران خان سے وزیرریلوے شیخ رشید کی ملاقات ہوئی تھی ، جس میں ملک کی موجودہ سیاسی صورتحال پر تبادلہ خیال کیا گیا۔

اس موقع پر وزارت ریلوے کی کارکردگی پر شیخ رشید احمد  کی وزیر اعظم کو بریفنگ دی گئی۔

وزیرریلوے سو ملاقات میں وزیراعظم کا کہنا تھا کہ ایم ایل ون پراجیکٹ کوسی پیک میں انتہائی اہمیت حاصل ہے، ریلوے کی ترقی ملکی ترقی کے لئے ناگزیر ہے۔

جبکہ وزیرریلوے شیخ رشید نے وزیراعظم عمران خان کوبریفنگ دیتے ہوئے کہا کہ 1872 کلو میٹر کراچی پشاور مین لائین ون منصوبے کا پی سی ون پیکج پلاننگ کمیشن کوبجھوا دیا ہےجبکہ ایم ایل ون پر کام اگلے سال سے شروع کیا جا رہا ہے۔