پاکستان تحریک انصاف سعودی عرب کے صدر مفتی عزیر بھٹہ نے کہا ہے کہ بیرون ممالک رہ کر پاکستان کی ترقی اور خوشحالی میں اپنا کردار ادا کرتے رہیں گے۔

تفصیلات کے مطابق پی ٹی آئی سعودی عرب کے صدر مفتی عزیر بھٹہ  نے سعودی عرب کے دارالحکومت ریاض میں پاکستان تحریک انصاف کے  ایم سی ممبران اور نیشنل سیکرٹریز کی جانب سے منعقدہ تقریب سے خطاب  کرتے ہوئے کہا کہ کیمونٹی کو درپیش مسائل کا حل اور انکی خدمت ہی ہماری سیاست ہے۔

مفتی عزیر بھٹہ   نے کہا کہ ہم وزیراعظم عمران خان کے وژن کے ساتھ کھڑے ہیں، وزیراعظم عمران خان کی خدمت کی سیاست کو فروغ دے رہے ہیں جس سے معاشرے میں نمایاں تبدیلی ممکن ہو رہی ہے ۔

پی ٹی آئی سعودی عرب کے صدر مفتی عزیر بھٹہ   نے مزید کہا کہ   وزیراعظم عمران خان درپیش چیلنجز سے ملک کو نکالنے کی کوشش جاری رکھے ہوئے ہیں اور ہم بھی بیرون ممالک رہ کر اپنی کیمونٹی کے مسائل کو حل کرنے اور انکی مشکلات کو دور کرنے کے لئے کوشاں ہیں۔

 تقریب کے دیگر مقررین میں پی ٹی آئی سعودی عرب کے جنرل سیکرٹری نزاکت علی گجر سیکرٹری یوتھ راجہ گل زیب کیانی، راجہ فرہاد، سردار طلعت محمود، مبشر افضل چیمہ، بابر اکرم اعوان، ارسلان شاہد، اشفاق واحد، عروج اصغر اور دیگر نے بھی اظہار خیال کیا اور کہا کہ پاکستان تحریک انصاف انٹرا پارٹی الیکشن کی بدولت سعودی عرب میں سب سے بڑی سیاسی جماعت بن کر ابھری  ہے۔