جمعیت علمائے اسلام اور پاکستان ڈیموکریٹک موومنٹ کے سربراہ مولانا فضل الرحمان نے کہا ہے کہ عالمی اسٹیبلشمنٹ اسلام اور پاکستان کے خلاف سازشیں کر رہی ہے۔

تفصیلات کے مطابق جمعیت علمائے اسلام اور پاکستان ڈیموکریٹک موومنٹ کے سربراہ مولانا فضل الرحمان نے لاہور میں وفاق المدارس العربیہ کی مجلس شوریٰ عمومی سے خطاب کرتے ہوئے کہا کہ عالمی اسٹیبلشمنٹ ہمارے وفاق المدارس کو توڑنا چاہتی ہے اور اس حوالے سے متعدد بار کوششیں بھی ہوچکی ہیں۔

جمعیت علمائے اسلام اور پاکستان ڈیموکریٹک موومنٹ کے سربراہ  نے کہا کہ دینی مدارس برطانوی اسٹیبلشمنٹ کے خلاف بھی جدوجہد کرچکے ہیں، عالمی اسٹیبلشمنٹ اسلام اور پاکستان کے خلاف سازشیں کر رہی ہے۔

مولانا فضل الرحمان کا کنا تھا کہ حکومت اسلام  کے خلاف قانون سازی سے باز رہے، ہم خلافِ اسلام قانون سازی کی کوششوں کے خلاف تحریک چلائیں گے۔

جمعیت علمائے اسلام اور پاکستان ڈیموکریٹک موومنٹ کے سربراہ مولانا فضل الرحمان کا مزید کہنا تھا کہ جلد تمام علمائے کرام سے مشاورت کے بعد پارلیمنٹ میں ہونے والی قانون سازی کے خلاف احتجاج کا اعلان کریں گے۔

دوسری جانب پی ڈی ایم کے سربراہ مولانا فضل الرحمان نے پارٹی وفد کے ہمراہ سینئر صحافی مجیب الرحمن شامی سے بھی ملاقات کی۔

 ملاقات میں جمعیت علمائے اسلام اور پاکستان ڈیموکریٹک موومنٹ کے سربراہ مولانا فضل الرحمان نے مجیب الرحمن شامی کے بھائی کی وفات پر اظہارِ تعزیت اور درجات کے بلندی کی دعا بھی کی۔

 سربراہ پی ڈی ایم مولانا فضل الرحمان کے وفد میں معاون خصوصی بلال میر، حافظ عبدالرحمن، طارق بلوچ، حافظ زین العابدین شامل تھے جبکہ سینئر صحافی حفیظ اللہ نیازی، اجمل جامی، ایثار رانا، حبیب اکرم، سلمان غنی ودیگر سینئر صحافی کالم نگار بھی شریک تھے۔