ملک کے بیشتر شہروں میں کل بارش کا امکان

تنزیلہ قریشی

22nd Sep, 2021. 08:12 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ملک کے بیشتر شہروں میں کل بارش کا امکان

محکمہ موسمیات کا کہنا ہے کہ کل ملک کے بیشتر شہروں میں بارش کا امکان ہے۔

تفصیلات کے مطابق محکمہ موسمیات کا کہنا ہے کہ پنجاب، اسلام آباد، خیبرپختونخوا، کشمیر، گلگت بلتستان، بالائی وجنوب مشرقی سندھ اور شمال مشرقی بلوچستان میں کل گرج چمک، آندھی اور تیز ہواؤں کے ساتھ بارش کا امکان ہے جبکہ اس دوران چند مقامات پر موسلادھار بارش کا بھی امکان ہے۔

محکمہ موسمیات کے مطابق کل اسلام آباد میں موسم ابر آلود رہنے کے علاوہ تیز ہواؤں اور گرج چمک کے ساتھ بارش کا امکان ہے۔

محکمہ موسمیات کا کہنا ہے کہ گجرات، سیالکوٹ، گوجرانوالہ، حافظ آباد، لاہور، اوکاڑہ، فیصل آباد، میانوالی، ساہیوال، ملتان، بہاولپور، رحیم یار خان اور ڈی جی خان میں تیز ہواؤں، آندھی اور گرج چمک کے ساتھ بارش کا امکان ہے۔

محکمہ موسمیات کے مطابق سندھ، لاڑکانہ، گھوٹکی، شہید بینظیر آباد، حیدرآباد، دادو، عمرکوٹ، تھرپارکر، ٹھٹھہ، کراچی، میرپورخاص، ٹنڈوجام، مٹھی اور سانگھڑ میں تیز ہواؤں اور گرج چمک کے ساتھ بارش کی توقع ہے، اس دوران چند مقامات پر موسلادھار بارش کا بھی امکان ہے۔

محکمہ موسمیات کا کہنا ہے کہ آج ریکارڈ کیے گئے زیادہ سے زیادہ درجہ حرارت میں تربت41 اور دادو میں 39 ڈگری سینٹی گریڈ ریکارڈ کیا گیا۔