اوکاڑہ کے ڈی ایچ کیو ہسپتال میں ڈاکٹروں کی غفلت کا انوکھا واقعہ سامنے آگیا

تنزیلہ قریشی

25th Sep, 2021. 07:10 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اوکاڑہ کے ڈی ایچ کیو ہسپتال میں ڈاکٹروں کی غفلت کا انوکھا واقعہ سامنے آگیا

اوکاڑہ کے ڈی ایچ کیو ہسپتال میں ڈاکٹروں کی مبینہ غفلت اور لاپرواہی کا انوکھا واقعہ سامنے آگیا ڈاکٹروں نے دوران ڈیلیوری آپریشن خاتون کے پیٹ میں تولیہ، سپینچ اور کاٹن چھوڑ دی۔

تفصیلات کے مطابق حالت نازک ہونے پر متاثرہ خاتون مریم لیاقت کو لاہور ریفر کردیا گیا جہاں ڈاکٹروں نے خاتون کے پیٹ سے دو فٹ لمبا تولیہ، سپینچ اور کاٹن کے ٹکڑے نکال دئیے مگر متاثرہ خاتون دو بچوں کی ماں مریم لیاقت جانبر نہ ہوسکی اور جاں بحق ہوگئی۔

ذرائع کا کہنا ہے کہ مشتعل ورثاء اور اہلِ علاقہ نے ڈی ایچ کیو ہسپتال کے سامنے احتجاجی مظاہرہ کیا اور پنجاب ہیلتھ کئیر کمیشن کو درخواست دی کہ واقعے میں ملوث نااہل ڈاکٹروں اور لیڈی ڈاکٹر طاہرہ سلمان، ڈاکٹر فریحہ مصفر آپریشن تھیٹر کےعملہ اور ایم ایس ڈی ایچ کیو ہسپتال اوکاڑہ کے خلاف فوری کارروائی کریں۔

ذرائع کے مطابق جاں بحق ہونے والی خاتون کو آہوں اور سسکیوں کے ساتھ مقامی قبرستان میں سپرد خاک کر دیا گیا، جبکہ خاتون کے ورثاء نے وزیراعلیٰ پنجاب سردار عثمان بزدار سے واقعے میں ملوث ڈاکٹرز اور عملہ کے خلاف سخت کارروائی کا مطالبہ کردیا۔